Iqembu leHighlanders linqobe eleBlack Rhinos nge 1 ka nya emdlalweni oqhutshelwe enkundleni yeBarbourfields namhla emini.
Limpumela itsho ukuba iqembu leHighlanders lokhu likhokhela ngemiklomelo emihlanu phezu kwengalane yemiklomelo.
Iqembu leHighlanders lilemiklomelo engamatshumi amane lanye (41) ngemva kwemidlalo elitshumi lathoba munwe munye kuthi elihlezi endaweni yesibili eleNgezi Platinum Stars lona lilemiklomelo engamatshumi amathathu lesithupha (36).
Kweminye imidlalo edlalwe namhla iqembu leTriangle linqotshwe nge 3 ka 1 ngeleManica Diamonds ngaseGibbo, iqembu leSheasham litshaywe nge 2 ka nya ngeleDynamos ngaseBata kuthi iqembu leHwange linqobe eleYadah 3 ka 1 ngaseColliery.
Kusenjalo iqembu labesifazane elimela ilizwe leSpain emdlalweni wenguqu yilo eliphakamise inkezo yokuba zintshantshu zomhlaba jikelele ngemva kokunqoba eleEngland nge 1 ka nya emdlalweni wokucina kumncintiswano weFIFA Women’s World Cup.
Iqembu leSweden yilo eliphutshe lisendaweni yesithathu ngemva kokunqoba eleAustralia nge 2 ka nya ngoMgqibelo.