Ibandla le CCC lisola isinqumo somethethwandaba esokuthi aluphuthumi udaba lokuthi ugatsha lwezokhetho olwe ZEC kumele lwethule ugwalo lwabavoti.
Umqondisi wezokhetho owebandla le CCC, uMnu. Ian Makone wethula loludaba esithi kumele ibandla lakhe lithole loluluhlu kungakafiki ukhetho olwenziwa ngeviki ezayo kodwa umahluli uMnu. Never Katiyo uthe loludaba luzangena emzileni lulalelwe ngemva kokhetho njengezinye indaba eziselayinini.
Ibandla le CCC lethesa ibandla le Zanu PF umlandu wokusebenzisa loluluhlu ukupheka impumela yokhetho ivuthwe kucele lebandla elibusayo.
Sixoxe lomsekeli wesikhulumeli se CCC uMnu. Felix Magalela Mafa Sibanda ukuze sizwe okunengi ngaloludaba.
Your browser doesn’t support HTML5
COURT-VOTER'SROLL-CHRIS-NDE-15AUG23.mp3