Kukhankaselwa ukhetho olukhulu ngamandla eZimbabwe sokusele insuku eziyisitshiyagalolunye ukuba luqhutshwe.
Kuyaphithizela esigabeni esitsha eLobengula-Magwegwe amabandla ezombusazwe lapho angena khona kuzulu
Isigaba seLobengula-Magwegwe esafakwa kubunjwa imingcele emitsha yikhomishini yeZimbabwe Electoral Commission, sigoqela iMagwegwe West, Magwegwe North lePumula East. Abahlali balindawo abanengi bathi abavoti bakhethelwa abameli zinkokheli. UMnu. Mzingaye Ncube, oweLobengula West, uthi bayakhala abantu.
“Ngokuba nominathela ama candidates bona bezikhethele abababo, so vele kuhle kwenze ivoter apathy akusemnandanga nje esigabeni ngoba kathesi abakwazi lokuthi bayakhetha ubani kuMP.”
Amazwi kaNcube afakazwa nguNkosikazi Tracy Chaziya othi usezavotela iZanu-PF.
“Ma MP besimkhethile thina njengowakhitshwa loPresident Chamisa. Lonaleli lethu lekudala. Bengasena choice coz muntu wayezosiphakamisa lathi siphansi kuma business ukuthi athuthuke.”
Kulabanye njalo abakhonona ngokutshiyeneyo. UMnu. Thabo Jele uthi ukhathele ngezithembiso zamanga ezivela kulabo abakhankasela ukhetho.
UMnu. Innocent Ndibali, okhokhela ibandla leEconomic Freedom Fighters Zimbabwe, uthi abantu kabovetele ibandla lakhe bekele amabandla amakhulu asehlulekile ukuphatha uBulawayo.
“Siyagijima, siyakhankasa siyakhuluma lezakhamizi basitshela bathi isikhathi sesiphelile esouvotela ama party ngamabizo. Isikhathi sesiphelile, esokuvotela amasela, isikhathi sesiphelile esokuvotela abantu abathi abantu benga decider ukuthi hayi sifuna lo kodwa befake omunye, thina abe EFF njengoba singabantu abalwela iborderless Africa, imisebenzi umnotho ukutgi ubuye ezandleni zabantu bathi hayi madoda siyalisapota.”
Oncintisa emele ibandla leCCC eLobengula-Magwegwe, uMnu. Eric Gono, uthi engangena uzalwela ukuthi abantu balesisigaba babelezindlu zokuhlala bangahlali beminyene.
“Ngifunukuya pusher igovernment khonangale ukuthi kube le housingfor everyone. EMagwegwe lapha imizi, uzathola ukuthi ama families ahlala ezindlini ezincane, so we want i government ukuthi iyeyakhela abantu izindlu. Since 1912 sisizwa kuthwa kule Zambezi Water Project engapheliyo, siyabe sifuna ke sihamambe ephalamende siye fighter, ukuthi iGwayi Shangani project iyi priority ye government. UBulawayo ake athole amanzi. Uhulumende ukhona bonalaba amaxhegu lawa engakafi sifuna kube le closure. So we want a truth and reconciliation commission.”
Kukanti uMnu. Butholezwe Ndlovu, owebandla leZanu-PF, uthi uBulawayo uzathuthuka engangena ngoba yena uyenelisa ukukhuluma loMongameli Emmerson Mnangagwa acele uncedo.
“Sizakwenza kwenzakale this time, otsotsi iskhathi sabo sesiphelile sesisebenza ngeqiniso. This time arround we are going to make things happen. Abadala sebekhathele ngoku tsotswa ngontanga so sesibuyile thina sobe sokuyiyisikhathi sethu. Laba abakade besithi bakhetha loba idonki bavotele idonki hayi isikhathi sidlulile, sokusebenza ingqondo khathesi hayi into zobutsotsi.”
Ibandla leUnited Zimbabwe Alliance lizamelwa nguMnu Arnold Dube othi uzasebenza lamanye amabandla ukuthi bathuthukise isigaba lesi lokuqeda inkohlakalo.
“I-corruption isisuke yenza ukuthi yacrowner down, ama services athola look at i health sector right now izinto zinzima look at itransport, look at infrastructure imgwaqo iphelile amagetsi ayahlupha. We need ukuthi sizame ukuthi invest on ama sustainable projects angakwanisa ukuthi esi sustaine as iZimbabwe looking at issues zamanzi, what strategies ezingakwanisa ukuthi come together sisebenzelane le local ukuthi si improve isituation yamanzi elizweni lethu.”
Isigaba seLobengula-Magwegwe kuncintisa abamela amalunga ezombusazwe ayisikhombisa kuhlanganisela leZapu leMthwakazi Republic Party esing xoxanga labo ngoba bebengadobhi omakhalekhukhwini.
SEE ALSO:
Udaba Esilwethulelwe NguEzra Tshisa Sibanda