Obengumholi weqembu le-rhumba, eleInsimbi zeZhwane, uElvis Mathe, obesaziwa njalo ngokuthi nguMa Ellie, ungcwatshiwe ngoMgqibelo emzini wakhe eTsholotsho.
UMa Ellie uphelekezelwe zinkulungwane lenkulungwane zabantu ezigoqela abaculi lamabutho, wona atshaye umbhobho wokumphelekezela, i-gun salute, ngemva kokuphiwa inhlonipho yeqhawe lesigaba, i-liberation hero nguMongameli Emmerson Mnangagwa.
Lumhlabeleli ubhubhele engozini yemota emgwaqweni osuka eVictoria Falls usiya koBulawayo ngoMgqibelo ndawonye lomunye wakhe obetshaya ingungu kuleliqembu, uThembinkosi Mpofu, yena obesaziwa njalo ngokuthi nguMaviri.
UMpofu uzabekwa ngeSonto koBulawayo njalo laye uphiwe inhlonipho yeqhawe lesigaba.
Bayatsho abadala ukuthi ziyohamba izinsizwa kuyosala izibongo. Khepha uMa Ellie loMaviri abatshiyanga izibongo zabo kuphela, kodwa batshiye lomdumo we-rhumba olohlonzi ozahlala uthakazelelwa nguzulu.
UNtungamili Nkomo weStudio 7 uxoxe labaculi abalodumo abaphelekezele uMa Ellie ngoMgqibelo, uMoki Ncube loZinjaziyamluma kanye loDonkipiri Matoto ohamba leqembu lakhe leGegema extra MUSIKA, yena obeseSouth Africa.
Your browser doesn’t support HTML5
Udaba Siluphiwa nguNtungamili Nkomo