Abantu eTsholotsho, eBinga, Hwange, Gwanda lezinye indawo bathi aqhutshwa kahle amalungiselelo okhetho olukhulu oluzakwenziwa mhlaka 23 Ncwabakazi.
Kulabanye abakhala ngokwethuselwa ngabalwa impi yenkululeko njalo lokungenziwa ngabantu abavela kwezinye indawo abakhanya bezama ukuphazamisa impumele yokhetho.
Abahlala eJimila eTsholotsho esabelweni seMatabeleland North, bathi kuthule zwi endaweni le ngesikhathi kulungiselelwa ukhetho olukhulu oluzayo. UMnu. Jeffery Tshuma uthi abantu bakhankasela ukhetho lolu bekhululekile.
Inkokheli yezomdabu, uMnu. Vusumuzi Masilela, owesigabeni seMvuthu emangweni weHwange, uthi abezombusazwe bakhankasela ukhetho ngokuthula.
UNkosikazi Rachel Mholi, ohlala eMenda Village eNkayi, uthi kulokuthula esigabesi lesi.
Lokhu kusekelwa nguNkosikazi Roselyn Ndlovu, ohlala eHwange, othi bekhangelele ukuba abazavotelwa bazabathuthukisa isigaba seKachechethe.
Sebemelele ukhetho lolu eBinga. UMnu. Bazulu Saba, ohlala eSiansundu.
Kusanda kubulawa ilunga leCitizens Coalition for Change ngabacatshangelwa ukuba ngamalunga ebandla leZanu PF. Kuyaxokozela eMasvingo, Mashonaland Central, Manicaland, eBubi lezinye indawo ngesikhathi kulungiselelwa ukhetho oluzayo.
SEE ALSO:
Udaba Esilwethulelwe NguGibbs Dube