Amalunga ebandla leCitizens Coalition for Change ezabelweni ezitshiyeneyo athi akhahlenyezwa ngabalandeli bebandla leZanu PF ngesikhathi kulungiselelwa ukhetho olukhulu oluzayo.
Bathi isimo sibi eMasvingo, Mashonaland Central, Mashonaland West lezinye. Kulabanye njalo esigabeni seBubi esithi izakhamizi zethuselwa ngabalwa impi yenkululeko abathi bazaxotshwa bonke abasemapulazini bengavotela ibandla le-CCC.
EleZimbabwe lizaqhuba ukhetho lwamakhansila, amalunga edale lephalamende lolukamongameli mhlaka 23 Ncwabakazi.
UMnu. Felix Magalela Sibanda, umsekeli wesikhulumeli sebandla leCCC, uthi loba kunjalo, abantu bazimisele ukususa ibandla leZanu PF embusweni.
SEE ALSO:
Ingxoxo Esiyenze LoMnu. Felix Magalela Mafa SibandaUMnu. Malaki Nkomo, okubandla leZanu PF uyakuphika lokhu esithi bazanqoba kukhetho oluzayo.
SEE ALSO:
Ingxoxo Esiyenze loMnu. Malaki NkomoIbandla leCCC belilomhlangano walo omkhulu namuhla belisedolobheni leMutare. EleZanu PF lithi liqhuba imihlangano lozulu ezindlini.