Abantu abangaba zinkulungwane ezinhlanu-5,000, bebethe gwaqa enkundleni eyeNational Sports Stadium, eHarare bekhumbula impilo kamuyi owasungula ibandla lokholo lwesiKrestu, ele ZAOGA , uMfundisi Ezekiel Guti.
UGuti, obhubhe ngenyanga edluleyo kaNtulikazi uphiwe inhlonipho yeqhawe lesizwe nguhulumende.
Ekhuluma kulumbuthano uMongameli Emmerson Mnangagwa uchaze uGuti njengomuntu owayengasebenzeli inkonzo yakhe kuphela kodwa esebenzela ukuvuselelwa komnotho welizwe, okumele kube yisibonelo sokuthi abanye abafundisi balandele.
Archbishop Ezekiel Guti farewell
"Ukuze siphumelele njengabantu kumele abantu baphakamiswe besuka ebusyangeni besiya ekusutheni. INkonzo kumele zitshumayele ukuvuselela umnotho kusukela ezindlini zethu"
Uqhubeke ethi imisebenzi yakhe efana lokuvula akwenza isibhedlela se Mbuya Dorcas eHarare, ikolitshi ye Zimbabwe Ezekiel Guti University (ZEGU) lokunye kuyisibonele esihle kakhulu. Wathi njalo kuyathokozisa ukuba uGuti waba ngomunye wabesundu bakuqala eZimbabwe ukusungula inkonzo esitholakala emazweni adlula ikhulu emhlabeni wonke jikelele.
Okhulumele imele ibandla leZAOGA njalo osethethe isikhundla sika Guti uMnu Joseph Guti uthembise ukuthi bazaqhubeka ngomsebenzi awusungulayo njengenhlonipho kumbali yakhe.
"Wayehlala esitshela ukuba inkonzo leyi ngeka Mlimu. Umlimu nguye umnikazi walinkonzo"
Omunye okade esembuthanweni lowu ngu Nkosikazi Noreen Tshuma okhonza ko Bulawayo esithi wafunda okunengi ngemfundiso ka Guti
"Ube eqakatrhekisa wonke umuntu. Silusizi kakhulu kodwa siyajabula ngoba impilo yakhe ibe yisibonelo eZimbabwe lwakamanye amazwe"
Lokhu kusekelwe ngu Mnu Linus Mkandla yena othi wafunda ukuzisebenzisa izandla zakhe hatshi ukuthembela ebantwini.
Archbishop Ezekiel Guti farewell
"Sithakazelela impilo ka baba uGuti owasifundisa uthando. Wasifundisa ukusebenzisa izandla ukuthi abantu kumele bazithengisele bethengisa. Ilizwe alimanga kuhle, wasifundisa ukuthandaza lokungathembi abanye abantu"
UGuti ubhubhe mhlaka 5 Ntulikazi esele minyaka elikhulu yokuzalwa. Uphiwe inhlonipho yeqhawe lesizwe nguhulumende abemuli besithi uzabekwa loba nini kusukela kusasa endaweni engakaziswa.
Inkonzo yeZAOGA yabeka amalanga angamatshumi amathathu awokukhumbula imsebenzi yomkhokheli wayo.
Kuzakuba lomthandazo ubusuku banamhlanje abantu bemkhumbula enkundleni ye National Sports Stadium.
Abanye abakade bekulumbuthano bagoqela umsekeli ka Mongameli welizwe uMnu Constantino Chiwenga, umphathintambo wendaba zase khaya uMnu Ziyambi Ziyambi, umlawuli wedale lephalamende, umnumzana Jacob Mudenda, abamabandla okholo atshiyeneyo agoqela abesipositoli, umkhokheli webandla leFamily of God-FOG, uMfundisi Andrew Wutaunashe, abamabandla aphikisayo, abavangeli, abafundisi labakhonza ebandleni leli lozulu jikelele.
Archbishop Ezekiel Guti farewell
Esuka kulumbuthano uMongameli Mnangagwa uhle wayadinga usekelo lwebandla lakhe emangweni wase Mutawatawa e Mashonaland East.
Kulumbuthano uMnangagwa uncome indawo yase Mashonaland East esithi ilabasekeli abanengi bebandla lakhe esithi ulethemba yukuba uzanqoba ngenxa yobunengi babantu abakade bekulo umbuthano.
Your browser doesn’t support HTML5
Udaba lomkhosi wokukhumbula uarchBishop Guti siluphiwa nguMlondolozi Ndlovu