Kulandela ukubulawa kwelunga le CCC eHarare NgoLwesine, inkokheli yamabandla ezombusazwe agoqela iZANU PF lele CCC alobelane isivumelwano sokulondoloza ukuthula bemanyaniswa yinkokheli yabezokholo phannsi komanyano oweZImbabwe Heads of Christian denominations, befunga ukuba bazakhankasela ukuthola usekelo kukhetho kungela dlakela.
Bekulabantu abafika amakhulu amahlanu-500 abakade behlabela bedumisa iNkosi ngesikhathi kulotshwa isivumelwano sokuba ilizwe liqhube ukhetho lwalonyaka lukamhlaka 23 Ncwabakazi olungela budlwangudlwangu.
Zimbabwe peace pledge signing
Umbuthano wangoLwesihlanu, wenziwe ngemva kokubulawa kwelinye ilunga leCCC, emzini oweGlenorah, eHarare izolo uTinashe Chitsunge, abokholo besithi akumelanga kuchitheke igazi ngenxa yokudinga usekelo.
Omunye wabafundisi abaqoqe lumsebenzi uMnu Trevor Masuku uchasisa kabanzi ngabakujongileyo kusehlakalo sanamhlanje.
"Esikwenzileyo namhlanje yinto eqakathekelyeo kakhulu. Kungeke kube lokhetho kungela kuthula. Sithe thina amabandla kawumelana asebenzise udlakela ukuthatha umbuzo"
Zimbabwe peace pledge signing
Amabandla ezombusazwe alobelane isivumelwano lesi ayisikhombisa abalisa i ZANU PF, CCC, MDCT, UZA, UANC, ZAPU le NPC efunga ukuba akasoze enze udlakela ngesikhathi khankasela bedinga usekelo lokuvotelwa kukhetho.
Ekhuluma kulumhlangano umsekeli kanobhala wozokhetho ku CCC uNkosikazi Ellen Shiriyedenga uthi njenge bandla bakhathazekile ngezehlakalo zodlakela ngesikhathi kuungiselelwa ukhetho elizweni.
Zimbabwe peace pledge signing
"Kuqakathekile ukuthi kube lokhetho. Silobelane isivumelano, kodwa kulomunye wethu obuleweyo. Nxa kuthiwa silobelane okumqoka yikuthi bazalandela izinqumo lezi"
Ilunga le ZANU PF elikade likulumbuthano uMnu Fortune Chasi engu mmeli we Mazoe South edale lephalamende uthe ibandla lakhe liyaqakathekisa ukuthula esithi kulusizi ukuthi sokubulawe ilunga le CCC ngesihluku esinje.
UMnu Fortune Chasi owebandla le ZANU PF
"Njengomhlangano ukuthula siyakuqakathekisa kakhulu. Nxa sisithi silokhetho. Sitsho ukuthi umuntu kumele akhululeke. Siyacela kakhulu ebantwini bethu be ZANU PF, CCC labanye ukuthi senze ukhetho olulokuthula"
Omunye njalo okade esembuthanweni munye, uNkosikazi Sekai Holland owake waba ngumphathintambo wezokuthula uthe ujabule kakhulu ngesehlakalo lesi.
"Ngifuna ukubonga labo ababuye lapha. Kuqakathekile ukuthi silandele inyawo zika Nkomo uLanda ukuthi siqathekise ukuthula. Uzulu kalandele khonokho"
Zimbabwe peace pledge signing
Abanye abakade besembuthanweni lo bagoqela amabesekeli bamabandla, amapholisa, ingatsha zikahulumende labameli bezigodlo zamazwe aphandle afana le USA, EU, Canada, Australia lamanye.
Abanengi abakade bekulumbuthano baveze ithemba lokuba amabandla ezombusazwe azalandela izinqumo zokulondoloza ukhuthula njalo ziphunguke izehlakalo zodlakela elizweni ngaphambilini kokhetho langemuva kwalo.
Your browser doesn’t support HTML5
Udaba lwesivumelwano se peace pledge siluphiwa nguMlondolozi Ndlovu