Aqhubekela phambili amalungiselelo okhetho oluzaqhutshwa mhlaka 23 kuyonale inyanga ibandal le ZANU PF lisithi uMongameli Mnangagwa uzanqoba kukhetho ngoba esungule wafeza inhlelo ezithuthukise impilo kazulu.
Ukuze sizwe okunengi ngemikhankaso yebandla leZANU PF lempumela yemihlangano esanda ukuqhutshwa eNkayi leBinga ngumongameli Mnangagwa, uSithandekile Mhlanga weStudio 7 uxoxe loMnu. Richard Moyo, umphathintambo kahulumende weMatabeleland North, ongumgcinisihlalo webandla leZANU PF kuleso isigaba, njalo omela iMguza edale lephalamende.
Your browser doesn’t support HTML5
Ingxoxo loMnu. Richard Ndlovu.
Kusenjalo uMnu. Prince Dubeko Sibanda, omela iBinga South edale lephalemende njalo engumgcinisihlalo webandla leCCC eMatabeleland North uthi umholi webandla lakhe uMnu. Nelson Chamisa ukhangelelwe ukuqhuba imhlangano yama rally kuleso isigaba kusukela mhlaka 9 kusiya ku 13 kuyonale inyanga eBinga, Hwange, Lupane, Tsholotsho, Mguza, leBubi.
UMnu. Sibanda uyalandula ukuthi imihlangano kamongameli Mnangagwa iphumelele ngoba esithi abantu bebethwalwa bevela kwezinye indawo ngamabhasi ukuze baye emhlanganweni le.