Amalungiselelo okhetho olukhangelelwe ukuqhutshwa ngenyanga ezayo ayaqhubeka njalo amapholisa kunye lomongameli Emmerson Mnangagwa ongumkhokheli webandla leZANU PF balokhe begcizelela ukuthi kube lokuthula lanxa amabandla aphikisayo agoqela eleCitizens Coalition for Change esithi udlakela luvelela kubonalabo abathi aluphele. Omunye osanda ukukhuthaza eleZimbabwe ukuthi liqhube ukhetho olulokuthula nguMnu. Julius Malema webandla eliphikisayo eleEconomic Freedom Fighters eleSouth Africa kumbuthano oqhutshwe ngempelaviki, owokunanza ukufikisa kwe EFF iminyaka elitshumi yabunjwayo.
Asizweni amazwi kaMnu. Malema ekhuthaza ukuthi ukhetho lweZimbabwe lube ngolulokuthula.
Umholi webandla leEFF-Zimbabwe uMnu. Innocent Ndibali, obenxuswe kulumcimbi uthi uMnu. Malema ubengakhuzi umongameli Mnangagwa ngoba kuvele kulokuthula eZimbabwe.
UMchasisa ngobudlelwano bebandla lakhe lele EFF ye South Africa
Umcimbi we EFF ugqitshwe ngetoyi-toyi ebiholwa nguMnu. Malema lapho obekulomutsho oncoma umanyano weZIPRA lowe Mkhonto Wesizwe, okugcizelelwe yingoma yomhlabeleli uRingo Madlingozi ethi Vuma Kamnandi.
Asizweni umbono kaMnu. Ndibali ngalumculo.
UMnu. Ndibali uncintisa kukhetho lokudinga ozamela iMagwegwe edale lephalamende emele ibandla lakhe. Amapholisa kunye lomongameli Mnangagwa bathi bakhuthaza ukuthi kube lokuthula elizweni.
Your browser doesn’t support HTML5
Udaba Silethulelwa nguSithandekile Mhlanga.