GWANDA — Abamabandla ezombusazwe aphikisayo eZansi yemaNdebeleni ethesa ibandla elibusayo eleZanu PF umlandu yokwethusela izakhamizi zemaphandleni lapho luyowa kukhetho.Osobhuku kubikwa sebesethusela uzulu emaohandleni isekudale ukukhonona okukhulu kumabandla aphikisayo.
Osobhuku laba okubikwa besebenzelana lebandla elibusayo leZanu PF bethusela uzulu emaphandleni ngokubatshella ukuthi bazavota ngaphansi kwabo okuzadala ukuthi babekwazi ukuthi uzulu uvotele bani.
Osobhuku laba okubikwa besebenzelana lebandla elibusayo leZanu PF bethusela uzulu emaphandleni ngokubatshella ukuthi bazavota ngaphansi kwabo okuzadala ukuthi babekwazi ukuthi uzulu uvotele bani.
UMnu Petros Mukwena isakhamuzi seMadali Village eGwanda – Tshitaudze uthi osobhuku esigabeni sakhe bethusela izakhamizi njalo sokulenketha yabetshabi lapho kusabiwa impahla evela kuhulumende.
“Yibo abethusela abantu balenketha yabetshabi besipha isamende batshiya labo abangaso bebandla leZanu PF besipha amakhuba okumele aphiwa abadala lesamende bakhetha bapha amankazana abo.Bethusela amalunga eCCC lamanye abanda ngaphandle kweZanu PF ngoba yibo oChairperson kumacell.”
Zimbabwe elections campaign
UMnu Victor Sibanda olilunga leZAPU njalo ezancintisa kukhetho oluzayo lwamakhansila kuWard 17 eManama uthi ibandla lakhe livinjelwe ukuqhuba umhlangano walo eMatobo kuviki eyedlulileyo ngezizatho ezingacacakanga.
“Mhla ka22 July besile rally yeZapu eMatopo amapholisa avimbile ukuthi khona irally iqhubeke umhlangano uqhubeke baletha izizatho ezinye ezingazwisisekiyo ukuthi sebeqala ukubuza impahla zabantu ukuthi ubani uyabe egqoke endlini ubani uyabe egqoke njani?”
Isikhulumeli sebandla eliphikisayo eleCitizens Coalition for Change eZansi yemaNdebeleni uMnu Ntando Ndlela uthi lanxa kungakabi lodlame kulesisabelo uzulu emaphandleni uhlezi esethuselwa.
“Ukwethuselwa kuvele kukhona abantu bethuselwa emini lebusuku yinyamazana le okuthiwa yiZanu PF ibethusela ngento ezinengi ezimbi ezitshiyeneyo ukuthi lingavotela ibandla leCCC lizehlelwa yilokhu okubi kodwa abantu baqhubekela phambili bebekezela bekhangelele inguquko , umumo okhona lapha ulokuthakazelela ikusasa entsha engahle iyehlele abantu beMatabeleland South engehle iyehlele abantu beZimbabwe nxa bengavotela inguquko.”
UMnu Malachi Nkomo oyisikhulumele sebandla leZanu PF eZansi yemaNdebeleni uthi umkhankaso wokhetho uqhubeka kakuhle njalo kuyize ukuthi lisebenzisa amasobhuku ukwethusela izakhamizi.
“Angikaboni kumbe ukuzwa udlakela kwezinye indawo, abantu bazihambela kuhle bazikhampenela kuhle bazikhulumela kuhle akula owethusela omunye, singazi kumbe lapha lalapha abantu bezikhulumela ngobulutshwane babo,kodwa nxa sikhangela ukuthi abantu bayakhankasa umuntu yonke ukhankasa ngendlela ayifunayo.”
Ukhetho lwalonyaka luzaqhutshwa mhla zingamatshumi amabili lantathu kunyanga ezayo lapho uzulu azakhetha khona amakhansila ,abameli bedale lephalamende kanye lomongameli.
Your browser doesn’t support HTML5
Ezemaphandleni siloAlbert Ncube