Ibandla le Zanu PF Selihle Lazitholela Izikhundla Ezintathu koBulawayo Kulandela Isinqumo se High Court

Ibandla le Zanu PF selihle lazitholela izikhundla ezintathu ukhetho lungakenziwa kulandela isinqumo somthethwandaba we High Court.

Isigaba se Cowdray Park sesizaya kumphathintambo wezemali, uMnu. Mthuli Ncube ngoba engela omncintisayo.

Ezinye izigaba ngezithi Bulawayo Central esizaya kuMnu. Tendayi Charuka lese Bulawayo South lapho uMnu. Raj Modi azingenele etshaya ukhwelo ngoba uNkosikazi Nicola Watson engomunye wabe CCC abavinjwe ukuncintisa. banye

Abanye sebesethesa inkokheli yebandla le CCC umlandu wokungahlelekenga kudaba lwamalaunga alitshumi lambili adinga ukuncintisa koBulawayo osekuthiwa ngumthethwandaba we High Court awasoze angene kukhetho.

Ibandla le CCC lithethe inyanga phose ezimbili ukukhetha abazalimela kukhetho okubangele ukuthi kufika ilanga lomthethwandaba we Nomination Court yikho okwethulwe amagama abancintisayo.

Sixoxe lobona ngokukhanga abasekeli, imobilization and recruitment kulelibandla, uMnu. Sengezo Tshabangu ukuze sizwe imbono yakhe ngaloludaba.

Ingxoxo loMnu. Sengezo Tshabangu.

Siphinde saxoxa lesikhulumeli sebandla le CCC koBulawayo, uMnu. Swithern Chirowodza othi ikhomisheni yezokhetho, eye ZEC, yazivumela yodwa ukuthi amalunga e CCC ahambisa amaphepha awo isikhathi singakatshayi.

Ingxoxo loMnu. Swithern Chiroodza.