VICTORIA FALLS - Abenhlanganiso ebona ngokuphathwa kwabantu abangekho emazweni abo eye International Organisation for Migration (IOM) ngoLwesithathu bagqibe umhlangano wabo wensuku ezimbili wengcitshi ezibona ngezokuguquka komkhathi emazweni asemhlubulweni wezansi yezwekazi leAfrica.
Lumhlangano oqale izolo, wenzelwe eVictoria Falls, uqoqwe ngabe yilaba besebenzisana lohulumende weMelika.
Abe IOM, bathi bakubone kufanele ukuba bahlanganise amazwe la alitshumi ukuzoxoxisana ngodubo lokuguquka komkhathi ngesikhathi zisanda izehlakalo zengozi ezidalwa yiclimate change ezenjenge zulu lesikhukhula, elilesiphepho zamacyclone lokungani kuhle kwezulu kudala indlala.
UMnumzana Slyvester Deane eyinye yengcwethi ebezise mhlanganaweni lo, uthi kuqakathekile ukuthi lumhlubulo kumele uhlanganise amakhanda uphume lemicijo enganceda ukumelana lalolu dubo.
Delegates attending IOM meeting in Victoria Falls
“Ngelishwa, esibhekane lakho yikuba amazwe amanengi lokhe ekholelwa isomiso lesi kasiphili ngakho bacina besehluleka ukumelana lodlame lolu nxa seluthe lwehla ngesizatho sokuba abananzeleli ukuqakatheka kokulungisela izikhukhula lezi kanye lemililo yeganga esiqede abantu amazweni amanengi.”
Umqondisi wohlangothi lukahulumende, olubona ngokuphathisa ngezikhathi zengozi zemvelo, olwe Civil Protection Unit, uMnumzana Nathan Nkomo uthi lumhlangano uze ngesikhathi eleZimbabwe libhekane lenkinga zengozi ezenzakala kudala zibangelwa yikuguquka komkhathi.
Kunje ilizwe lokhu lingekenelisi ukwakha kutsha liqede lokulungisisa izakhiwo ezabhidlizwa yilezi ngozi eziqintini ezinjenge Chimanimani, Binga, Tsholotsho lezinye ezaphanjaniswa zingozi zesikhukhula.
Delegates attending IOM meeting in Victoria Falls
“Lokhu kuyimvana kuleli, ikakhulu ngesikhathi sezulu abantwana besikolo bacina bevalelwa ukuya ezikolo njalo lababalisi bacina besehlukeka ukuyafundisa ngoba imifula iyabe igcwele, ngakho kubalulekile ukuthi izigaba lezi nxa zizakhiwa zifakelwe izikolo, amakilinika kanye lakho konke abayabe bekudinga nxa sekubelodlame lolu.”
UNkosikazi Gcebile Dlamini odabuka eSwatini uthi kulusizi indlela inani labantu asebelahlekelwa ngumpefumulo ngayo eZansi yeAfrica.
“Abantu abanengi sinanzelela ukuba bayaphazamiseka ngesehlakalo yikho kubalulekile ukuba sihlanganise imibone njengezwe ukuthi sikunxiphise lokhu.”
UMnumzana Majahonke Mamba osebenzela uhlangothi lwe National Disaster Management eSwatini uthi phezu kwalezi ngozi lumhlubulo ubhekane lendlala enkulu ngenxa yokungani kuhle kwezulu.
Bekulomhlangano omkhulu eVictoria Falls
“Lamandla awo asemanengi kakhulu njalo labantu abahlaselwa kuleingozi yalesisehlakalo sebebanengi, phinde lalumonakala sumkhulu yikho sibelethuba lokuqeqetshiswa sifundiswa ngokuthi yiziphi indlela esingazisebenzisa ukuqinisa isizwe.”
UMnumzana Makoye Chisuta yena obemele ele Zambia uthi kulusizi ngoba ukuguquka komkhathi lokhu kuhlasela uzulu ongelalutho.
“Bathi udlame lolu lwande ukuhlasela abampofu ukuze behlale bempofu, liqiniso leli, kodwa linkulumo kufuze iphele, ngakho sikubona kubalulekile ukuba amazwe eZansi ahlale phansi abone indlela angasiza ngayo laba ngoba yibo abasuka bebesesimeni sobuyanga, ukufelwa kanye lokuhlaselwa yimikhuhlane.”
Abe Civil Protection Unit bathi ngemva kwengozi yesikhukhula sika Cyclone Freddy ekusungulweni komnyaka lokhe bebhakane lokuqhamuka kwemikhuhlane efana leyesihudo seCholera, njalo uthi banengi ababaleka kwele Mozambique ngalesisikhathi lesika Cyclone Idai okwenza inhlalo yalumango ingabinhle.
Inhlanganiso ye International Relief yabika ukuba engozini kaCyclone Idai ngomnyaka ka 2019, kwafa abedlula amakhulu amathathu-341 abanye banyamalala. Bangeza ukuba abafika phose inkulungwane ezingamatshumi amabili-17,608 basala bengela mizi, njalo izakhiwo ezimqoka zabhidlika ezabelweni ezigoqela iManicaland, Masvingo, Midlands kanye leMashonaland East.