UMongameli Emmerson Mnangagwa usuke elizweni izolo elubhekise kweleRussia ukuyaphatheka emhlanganweni weRussia-Africa Economic and Humanitrian Forum oqala kusasa njalo ugqitshwa mhlaka 28 kulinyanga.
Uhulumende uthi uMnangangwa uzalobelana izivumelwano zokusebenzelana leziphathamandla zaseRussia njalo uthi umhlangano lo uzakupha ithuba eleZimbabwe leleRussia ukuthi aqinise ubudlelwano bawo.
Umhlangano weRussia-Africa summit lo ngowesibili ngemva kokuqhutshwa kowakuqala ngomnyaka ka2019.
Abakhokheli bamazwe aseAfrica bazahlangana loMongameli weleRussia uMnu Vladimir Putin bekhulumisana ngokutshiyeneyo okugoqela ubudlelwano kwezenotho kanye lomvikela. Indikimba yawo ithi “For Peace, Security and Development”.
Umhlangano lo ufana lowasungulwa ngowayenguMongameli weMelika uMnu Barack Obama ngo2014 oweU.S.-Africa Summit, wona oletha ndawonye uMongameli weMelika labakhokheli beAfrica bekhulumisana ngokuqinisa ubudlelwano babo.
Sibuze olwela Amalungelo oluntu uMnu Difa Dube ukuthi ubona uMnangagwa ephenduka lokubambekayo yini kulumhlangano.
Your browser doesn’t support HTML5
Ingxoxo loMnu. Difa Wajapi Dube Bango