MARYLAND - Abacatshangelwa ukuba ngabalandeli bebandla leZanu PF bethusela okumangalisayo abaphikisayo emaphandleni ezabelweni ezigoqela eMasvingo, Mashonaland Central, Midlands, Manicaland lezinye.
Abakubandla leZanu PF bathi bazabasusela amanqe abazavotela ibandla leCitizens Coalition for Change lamanye kukhetho oluzaqhutshwa mhlaka 23 Ncwabakazi.
Amalunga ebandla leZanu PF akhankasela ukhetho olukhulu oluzayo ethwele ugwalo olulamagama abavotayo olwe-voters’ roll.
Batshela abantu ukuba bayabazi munye ngamunye njalo balenombolo ezilotshwe emaphepheni okuvota okuzakwenza kube lula ukuba bebone ukuthi bavotele bani kukhetho lolu.
Batshela izakhamizi ukuba ozavotela amabandla aphikisayo uzabulawa kumbe asuswe esigabeni ahlala khona. Batshelwa njalo ukuba ngosuku lokuvota kumele benze konke okufunwa zinkokheli zomdabu.
UMnu. Mqondisi Moyo, umkhokheli webandla leMthwakazi Republic Party, uthi akumangalisi lokhu.
UMnu. Edwin Ndlovu, okubandla leCitizens Coalition for Change, uthi uhulumende kumele avimbe ukukhahlanyezwa kukazulu.
UMnu. Joseph Tshuma, okubandla leZanu PF, uthi kuyaxokozela eZimbabwe okwamanje.
Kwezinye indawo ezinjenge Mwenezi, abacatshangelwa ukuba ngamalunga ebandla elibusayo batshiye imota yoncintisa ezimele batshiya leminye imizi yabalandeli bakhe.
UMnu. Effort Ncube, ingcwethi kwezombusazwe, uthi zinengi indlela zokunqabela udlakela.
UMongameli Emmerson Mnangagwa usekhuthaze kanenginengi uzulu ukuba akhankasele ukhetho lwalonyaka ngokuthula.
EleZimbabwe lithi asekuzinga eliphezulu amalungiselelo okhetho olukhulu oluzayo.