HARARE - Inkulungwane lenkhulungwane zabakhonza ebandleni lokholo lwesiKrestu eleZimbabwe Assemblies of God Africa (ZAOGA) loba Forward in Faith (FIF) zibuthene esilindweni sendizamtshina eseRobert Mugabe International Airport zizohlangabeza isidumbu sowayengumkhokheli walinkonzo uDr Ezekiel Gutu obhubhe mhlaka 5 ngayonale inyanga kaNtulikazi.
Abuye ngobunengi amakholwa ebandla leli ehlabela egida ekhumbula impilo kaRev. Guti, ehanqe umgwaqo osuka enzikini yedolobho leHarare, usiya esilindweni sendizamtshina eseRobert Mugabe International airport.
Guti body arrival
UGuti, obhubhele kwele South Africa, ekuqaleni kwayonale inyanga, wakhokhela lelibandla okweminyaka engatshumi ayisithupha lantathu okwenza abanye becabange ukuba lizakwehluleka ukuma limanyene esengasekho.
Ekhuluma esilindweni sendizamtshina, unobhala jikelele webandla leli njalo eyisikhulumeli salo, uMnu Mishel Nyambo uthi labo abacabanga ukuthi ibandla leli lizadabuka phakathi kabazi lutho.
"Sesilungiselela ukuba sizamkhumbula njani ubaba wethu. Sizaqala eCity Sports centre sisiya eNational SPorts stadium simkhumbula. Okokuthi ibandla kalibambananga sikuzwa ngani ntatheli"
Guti body arrival
Uqhubeke eisthi uGuti watshiya ehlele indlela ezinengi ezizakwenza ukuba ibandla leli liqhubekele phambili ngomsebenzi loba esetshonile.
"Ube engasebenzi yedwa. Wayelandela umthetho we nkonzo. Yinkozo elendawo labantu abanengi. Wayengekho endaweni yonke ubaba uGuti"
Omunye olikholwa kubandla leli uMnu Herbert Mpofu uthi wafuna okungeni ngempilo ka Guti.
"Wasifundisa ukuba singesabi lutho, singthandi isono. Ungakhangela abantu abakade belapha bayakutshengisa ukuba ungumuntu wabantu"
Guti body arrival
Okwenza abanengi bathandabuze ngodaba lobukhokheli bebandla leli yikuba amabandla afana le ZCC acina edabuka phakathi ngemva kokubhubha kwenkokheli eyasungula ibandla leli. Kunje abebandla le AFM selilamacele amabili ngenxa yokudonselana kwenkokheli.
Okwakhathesi uNyambo nguye okhokhela ibandla leli esithi iqula le National Executive yebandla leli lizakutsho ukuba ngubani ozathatha isikhundla sika Guti.
UGuti ube eseleminyaka elikhulu-100, wathetshulwa yingwe ngo mnyaka ka 1923 mhlaka 5 Nkwenkwezi, waqala inkonzo ye ZAOGA ngomnyaka ka 1953 yona eyasabalala yaba semazweni adlula ikhulu.
Guti body arrival
UGuti esebenza lebandla lakhe wasungula isibhedlela se Mbuya Dorcas, esiseHarare kanye le kolitshi ele Zimbabwe Ezekiel Guti University (ZEGU).
Ubhubhele kwele South Africa njalo uzabekwa eZimbabwe, lobanje abebandla leli bengakazisi ukuba uzabekwa ngaphi njalo nini.
Amazwi endunduzo lokhe etheleka evela kumagumbi amane womhlaba ngoba leli bandla lilenkonzo ezisebalele emazweni amanengi. Kubikwa kuzaba lomkhosi omkhulu ozakwenzelwa enkundleni eye Rufaro Stadium yokujabulela imisebenzi emihle eyenziwa nguGuti esaphila.
Your browser doesn’t support HTML5
Udaba lokufika kwesidumbu sikaGuti ekhaya siluphiwa nguMlondolozi Ndlovu