WASHINGTON DC — UMongameli Emmerson Mnangagwa uzaphatheka emhlanganweni weRussia-Africa Economic and Humanitrian Forum ozaqhutshelwa eRussia mhlaka 27 kusiya kumhlaka 28 kulinyanga lapho azalobelana khona izivumelwano zokusebenzelana leziphathamandla zaseRussia.
Lokhu kwaziswe yisikhulumeli sogatsha lukahulumende olubona ngobudlelwano beZimbabwe lamanye amazwe uMnu Livit Mugejo ngoLwesihlanu.
Wengeze wathi umhlangano lo uzakupha ithuba ilizwe leZimbabwe leleRussia ukuthi aqinise ubudlelwano bawo.
Umhlangano weRussia-Africa summit lo ngowesibili; uza ngemva kokuqhutshwa kowakuqala ngomnyaka ka2019.
Abaholi bamazwe aseAfrica bazahlangana loMongameli weRussia, uMnu Vladimir Putin bekhulumisana ngokutshiyeneyo okugoqela ubudlelwano kwezenotho.
Umhlangano lo ufana loweU.S.-Africa Summit, owasungulwa ngowayenguMongameli weleMelika ngomnyaka ka2014 uMnu Barack Obama, oletha ndawonye uMongameli walelilizwe labakhokheli beAfrica bekhulumisana ngokuqinisa ubudlelwano babo.
Umhlangano weMelika lenkokheli yeAfrica owesibili uqhutshwe nguMongameli Joe Biden nyakenye.
Ingcwethi ecubungula ezombusazwe futhi efundisa ezombusazwe eWits University kweleSouth Africa, uDr Jethro Mpofu, utshele iStudio 7 ukuthi lanxa lumhlangano ubalulekile kuzwekazi leAfrica jikelele, kaboni kukhona okubambekayo uMnangagwa angaphenduka lRussi
Your browser doesn’t support HTML5
Ingxoxo loDr. Jethro Mpofu