VICTORIA FALLS - Umhlangano wokuxoxisana ngenhlupho eziphathelane lesimo semigwago lamabholoho eZimbabwe ugqitshwe NgoLwesihlanu edolobheni eleVictoria Falls lapho, uMongameli Emmerson Mnangagwa akhuthaze uzulu wakuleli ukuthi aziqhenye ngokubayinzalo ethi ngoba ilizwe lakhiwa ngabanikazi balo.
Victoria Falls Transport Summit
Amazwi la, uwatsho evula ngokusemthethweni lumhlangano oqale NgoLwesine, ngenhloso yokuhlela indlela yokuthuthukisa umsebenzi wokulungisiswa kwemigwaqo emidala lemitsha lapho kusiya fika umnyaka ka 2030.
“Kufuze lizigqaje ngelizwe lenu, njalo kufuze lazi ukuthi ukuze ilizwe leli lithuthuke, kumele lakhiwe ngabanikazi balo. Kufuze njalo sibelenhloso yokwakha imigwago yethu ukuze indawo ngendawo zixhumane ukuze labo abafisa ukwenza ezamabhizimusi kuleli behugeke ukuze umnotho wethu ukhule.”
Victoria Falls Transport Summit
UMnumzana Nkosinathi Ncube umqondisi wohlangothi olubona ngezemigwaqo, olwe Zimbabwe National Road Administration utshele lumhlangano ukuba imigwaqo eminengi, ikakhulu ezigabeni seMatabeleland, ikusimo esibi ngezizatho zokuswelekala kwengcitshi eziyiwulungisayo.
“Ikakhulu eMatabeleland South ngo 2021 iERRP (Emergency Road Rehabilitation Programme) iqala kwabalenkinga yokuthi amakhansili amanengi acina ethole imali emaphethelweni ngoba babesithi abakabi labantu abafuna ukulungisa imigwaqo.”
Ugcizelele njalo ukuba babhekane njalo lohlupho lwezakhamizi, ngaphansi kwamakhansila la eziyala ukusebenza ngesizatho sokuwa kwesisindo sedola lakuleli.
Victoria Falls Transport Summit
“Izakhamizi kumele zibuye lazo zivale, kubelabantu abazimisele ukuthi hayi mina ngizayithatha leyo Zim dollar ngoba bengekela ukwenza njalo sizahlala sisemuva. Ngezinye izinto abantu okumele bekhulume ngazo bengacatshi ucine susithi akulabantu abangasinceda, kanti bekhona kodwa bathi imali le kabayifuni.”
UMnumzana Theodius Chinyanga ongunobhala kuhlangothi lwe Transport and Infrastructure Development ukhale laye ngokuthi isimo semigwaqo sibi ngoba eminengi inciphile, ilamagodi njalo isigugudekile.
Uqhubeka ethi kodwa ubunzima obukhona yikuba imali engena esitsheni sikahulumende incane kudalwa yikuba inengi kalibhadali imithelo, okuyikho okwenza ukulungisa limigwaqo kubenzima.
Victoria Falls Transport Summit
“Silezizalwane ezihlala zikhonona ngesimo somgwaqo kodwa bengabhadali imithelo. Laba baqhubeka befuna ukulungiselwa imigwaqo ngezinga eliphezulu kodwa umbuzo usekuthi ngobani ozakhokhela leyo mali.Uphenyo luthi inengi lezizalwane zakuleli kalisebenzi, kodwa thina asivumelani lakho lokho ngoba baziqhatshile, njalo inzuzo yabo bayibophela ezindlini bebuye njalo futhi bethi sibakhele imigwaqo, imali yakhona iyavela ngaphi.”
UMnumzana Christopher Shumba okhokhela uhlangothi Rural Infrastructure Development Agency, uthi ezinye zezizatho imigwaqo ingalungiswa yikusweleka kokuzimisela kukahulumende esipha umzekeliso womgwaqo we Bulawayo-Nkayi osugududekile.
“Umgwaqo lowana wawususe bangeni lokuphela, kodwa ngesizatho sokungazimiseli, owayewulungisa wakhalala wawutshiya sikhuluma kunje akuselamgwaqo, kodwa imali yaphuma enengi.”
Victoria Falls Transport Summit
Abe Transport and Infrastructure Development bathi ukulungisa ikhilomitha eyodwa yomgwaqo, kubiza izigidi ezimbili zamadola eMelika –US$2 million okuyikho okubangela ukuba imigwaqo eminengi itshiyelwe phakathi efana lomgwaqo osuka eHarare usiya koBulawayo, owamiswa ukulungiswa ukwehlukaniswa ukuba yidual carriageway.
Abohlangothi olwe Zimbabwe Institute of Engineers baveze ukudana ngezinga izifundiswa zakuleli ezibaleka ngalo zisiyafeza ubungcitshi bazo bokuba ngomanjinela kwamanye amazwe agoqela eleNgilandi esithi lokhu kufuze uhulumende akuhluzisise, impendulo yembangela le uzayazi.
Eminye yemigwaqo esigugudekile igoqela osuka eBeitbridge uquma koBulawayo usiyathutshela enyakatho yeMandebeleni eVictoria Falls, kodwa uhulumende usesungule uhlelo lokuwulungisa lumgwaqo emangweni weHwange.
Bathembisa njalo ukuba bazalungisa lowe Kwekwe kusiya eNkayi usiyathutshela eLupane ukwenzela ukuphungula umango wezihambi. Omunye njalo abathembisa ukuwulungisa ngowe Karoi oquma eBinga kusiyamba iVictoria Falls.
Your browser doesn’t support HTML5
Udaba lomhlangano ophathelane lokulungiswa kwemigwaqo siluphiwa nguNokuthaba Dlamini