Lanxa uhulumende esithi inengi labantu elizweni alisacitshelwa amagetsi mahlayana ngohlelo lwe power shedding ngenxa yokulungiswa kwesititshi sika Unit 7 lo 8 eHwange Thermal Station, ezinye izakhamizi zithi zilokhe zingawatholi ngoba kwezinye indawo alokhe ecinywa.
Umeli weBulawayo edale lephalamende uNkosikazi Jasmine Toffa, okukhomithi ebona ngeziphathelane lamandla amagetsi kulelidale uthi u unit 7 lo 8 abakalungi okupheleleyo njalo lokhu kuzabangela ukuthi u unit 1 lo 2 baphange bengasasebenzi okuzakwenza uhlupho lokusilela kwamagetsi luphenduke njalo.
Utshele uSithandekile Mhlanga weStudio 7 ukuthi olunye uhlupho ngolokwebiwa kwemitshina yama cables, osokubangele ukuthi inengi lihlale emnyaneni. Asizweni exoxa kabanzi ngaloludaba kungxoxo loSithandekile Mhlanga weStudio 7.
Inkampani ebona ngokuphathelane lomlilo wamagetsi eye Zimbabwe Electricity Transmission and Distribution Company ithi iphakathi kokufundisa abantu, abagoqela abantwana ezikolo ngokuqakatheka kokulondoloza.
Your browser doesn’t support HTML5
Ingxoxo loNkosikazi Jasmine Tofa.