Ezinye izizalwane zeZimbabwe ezihlala kwamanye amazwe sezamukele ngenjabulo inyathelo elithethwe ligqwetha uMnu Nqobani Sithole, elokuphikisa umthetho olawula ezokhetho oweElectoral Act, wona othathela umuntu ilungelo lokuvota nxa ethe wahlala phandle kwelizwe okwesikhathi asedlula umnyaka olengxenye, 18 months.
USithole uthi ufuqwe ludaba lwenkulungwane zezizalwane zeZimbabwe ezihlala kwamanye amazwe ezehluleka ukuvota ngenxa yalumthetho.
Ngokunjalo uthi inkantolo yeHigh Court kumele yesule isahluko 23 somthetho lo ukuze izizalwane zeZimbabwe zivunyelwe ukuvota kumbe ukuncintisa kukhetho kungelani lokuthi zihlale isikhathi esinganani phandle kwelizwe.
Kunsukwana ezeduleleyo iHigh Court ivimbe uMnu Saviour Kasukuwere ukuncintisa kukhetho lukaMongameli ngoba isithi usehlale isikhathi eside phandle engaphendukanga ekhaya.
Kodwa uKasukuwere uyasiphikisa lesisinqumo. Sixoxe lolwela amalungelo oluntu ohlala kweleBhilithani uMnu Difa Dube, yena uthi kuyancomeka okwenziwe nguSithole.
Your browser doesn’t support HTML5
Ingxoxo loMnu. Difa Wajapi Bango Dube