GWERU - Inkulungwane lenkulungwane zabasekeli bebandla leCitizens Coalition for Change bebethe gwaqa eMkoba Stadium eGweru emhlanganweni omkhulu wokusungula umkhankaso wokhetho oluzaqhutshwa mhlaka 23 Ncwabakazi.
Ngokufanayo, eleZanu PF belikhankasa eMasvingo lapho uMongameli Emmerson Mnangagwa athembise khona abantu izulu lomhlaba engekhathwa nguzulu.
Umkhokheli webandla leCCC, uMnu. Nelson Chamisa, utshele abalandeli bebandla lakhe ukuthi senqobile kukhetho oluzayo njalo abantu kumele bebone ukuthi bavotela inhlakakahle.
“Ukukhanya lobunyama sibuya lomkhankaso owekukhetha uhulumende womuntu wonke, impilo yomuntu wonke, inotho yomuntu wonke, umhlabathi womuntu wonke, inhlalakahle yomuntu wonke, imali yomuntu wonke, umhlabathi womuntu wonke, umsebenzi womuntu wonke, inkululeko yomuntu wonke."
Ilunga lebandla leCCC
Uqhubekele phambili uChamisa esithi umbuso wakhe awusoze uthathele abantu umhlaba.
"Udaba lomhlaba luqakatheke kakhulu, wonke owakhutshwayo emhlabathini wakhe kumele abiselwe, siyaqalisela khonapho. Lokho okokuthi iLithium iyathathwa ingaphekwanga ihanjiswa phandle kwelizwe kasisoze sikwenze. Lapha akula muntu oyathatha ezembiwayo zingalungiswanga ehambisa phandle kwelizwe, kumele kwenzelwe lapha ukuze bathole imisebenzi abantwana bethu. Akula muntu ozahamba lomsebenzi ngaphandle kwelizwe"
UChamisa uthi lanxa kulabanye abancintisa besithi bangabe CCC, bazanqotshwa ngoba bathengwe yiZanuPF.
Ilunga lebandla leCCC
"Udaba lomhlaba luqakatheke kakhulu, wonke owakhutshwayo emhlabathini wakhe kumele abiselwe, siyaqalisela khonapho. Lokho okokuthi iLithium iyathathwa ingaphekwanga ihanjiswa phandle kwelizwe kasisoze sikwenze. Lapha akula muntu oyathatha ezembiwayo zingalungiswanga ehambisa phandle kwelizwe, kumele kwenzelwe lapha ukuze bathole imisebenzi abantwana bethu. Akula muntu ozahamba lomsebenzi ngaphandle kwelizwe"
FILE: Umhlangano webandla leZanu PF eMagunje
Kusenjalo, uMongameli Emmerson Mnangagwa laye ubeko Gutu ekhankasela ukhetho oluzayo. Utshele amalunga ebandla leli ukuba kunengi asekwenzile ngakho-ke kumele abantu bemvotele ngobunengi babo. Bekule nkulilungwane lenkulungwane zabantu emhlanganweni lo.
Ilunga leZanu-PF, uMnu. Kudakwashe Munsaka, uthi ibandla lakhe lizanqoba kukhetho oluzayo.
"Kusegcekeni ukubana ubaba uMnangagwa uyawina osekusele yikuthi sikhangele ukuthi uwina nge margin enganani kodwa hatshi usenqobile. So ngamafitshane sithi ukukhankasa kuhamba kakuhle, kuhamba ngokuthula kulokubabhana okumangalisayo ibandla le ZANU PF endaweni ezinengi ezitshiyeneyo. Izimota zethu ziyagijima phansi laphezulu, bayagijima ama central committe, bayagijima ama NCA bayagijima ama Provisional members ethu bayagijima iDCC yethu, wonke umuntu uyagijima e campaigner, ama senetor ethu bayagima sokulokubambana okuthize ebandleni lethu."
Abebandla leZapu leleUnited Zimbabwe Alliance bathi labo bayabhodabhoda becela ukuvotelwa. Umkhokheli webandla leZapu, uMnu. Sibangilizwe Nkomo uthi bayasebenza emphakathini.
UNkosiakazi Elizabeth Valerio, umkhokheli webandla le-United Zimbabwe Alliance.
"Siyabhoda indawanyana yonke sikhangela ukuthi sibhode ilizwe lonke size siyefika khona eManicaland le Mashonaland West lapha esilaba esilama candidates lama coucil khona. Yikho ke sibusy sibili ngakho lokho, udubo nje esihlangane lslo olukhulu yikuthi kasisenelisanga ukuthi sifake umongameli ukuthi ancintise kusihlalo sika mongameli kungenxa yokuthi imali yasuka yabankulu kakhulu le eyaqanjwa yi ZEC."
UMnu. Frank Mhlanga, umsekeli womkhokheli webandla leUnited Zimbabwe Alliance, uthi bathakazelelwa nguzulu.
"IUZA iyaqhubeka ngomkhankaso wama campaigns, siqhubekela phambili sisenza konke. Silungiselela ukuthi sinqobe kulolukhetho luka 2023, siyenzeni konke ngokuthula kungabi lodlame konke asikwenzeni ngokuthula sithi NO to violence. Njenge United Zimbabwe Alliance UZA."
UMnu. Effie Dlela Ncube, olandela imikhankaso eqhutshwa ngamabandla wonke, uthi kunengi okuthenjiswa abantu lonyaka ngesikhathi sokhetho.
Inengi labantu lithi liyavota lonyaka kuhlanganisela lentsha kukhethe luka mhlaka 23 Ncwabakazi 2023.
SEE ALSO:
Udaba Esilwethulelwe NguEzra Tshisa Sibanda