Owayengumdlali womdlalo wenqindi olodumo, uFloyd Mayweather, usetshayanise abantu amakhanda eZimbabwe kulandela ukugqoka kwakhe isikhava esilembala ye-flegi yelizwe ngesikhath efika ngoLwesine eHarare.
Badla amalahle abakumabandla aphikisayo abathi usethengwe libandla leZanu PF. UMayweather, othi uzenceda abatsha abakumdlalo wenqindi leminye, ulethwe kwele Zimbabwe nguMnu. Scott Sakupwanya, omunye wabantu abaqanjwa ku-documentary yeAl Jazeera elesihloko esithi ‘Gold Mafia’, okuthiwa bathengisa igolide ngudlu kwele Dubai.
USakupwanya okwamanje ufisa ukungena edale lephalamende ekubandla leZanu PF. UMayweather kakhulumanga ngobudlelwano bakhe lebandla leZanu PF. Waziwa njengomuntu ophanda imali ngendlela ezitshiyeneyo.
Abakubandla leZanu PF bathi kabamsebenzisi emikhankasweni yabo yokhetho oluzaqhutshwa mhlaka 23 Ncwabakazi lonyaka.
UMnu. Believe Gaule, okubandla leli, utshele uGibbs Dube weStudio 7 ukuthi ukugqoka isikhava akutsho ukuba uMayweather usekhankasela ibandla elibusayo.
SEE ALSO:
Ingxoxo Esiyenze loMnu. Believe GauleKodwa uNkosazana Nonhlanhla Mlotshwa, okubandla leCCC, uthi kuyayangisa okwenziwe nguMayweather lebandla leZanu PF.
SEE ALSO:
Ingxoxo Esiyenze LoNkosazana Nonhlanhla MlotshwaUMnu. Ambrose Sibindi, ingcwethi kwezombusazwe njalo okunhlanganiso yeBulawayo Progressive Residents’ Association, uthi uMayweather uziyangisile ngokugcoka isikhava.
SEE ALSO:
Ingxoxo Esiyenze LoMnu. Ambrose Sibindi