NTAMBAZINDUNA -- UNkosikazi Zodwa Khumalo - Dabengwa, umkakhe weqawe lesizwe umuyi uMnu Dumiso Dabengwa, obhubhele eNgilande ngenyanga edluleyo kaNhlangula, ubekiwe NgoMgqibelo, eMaNxeleni, eNtabazinduna phansi kukaNduna uMtshana Khumalo ngemva kwenkonzo yokumvalelisa, eyenzelwe eAmphitheter koBulawayo ekuseni.
lnkulungwane lenkulungwane zabantu bezithe gwaqa enkonzweni koBulawayo, laseNtabazinduna bezovalelisana leqhawekazi labo, uMaKhumalo olaliswe eceleni komkakhe umuyi umnumzana Dumiso Dabengwa.
Zodwa Dabengwa burial
Inkokheli zamabandla ahlukeneyo labo baveze ukulahlekelwa okukhulu kwesizwe ngemfa kaNkosikazi Dabengwa. Lokhu kufakazwe ngumphathintambo wedolobho lakoBulawayo uNkosikazi Judith Ncube, owebandla eleZanu PF.
Your browser doesn’t support HTML5
Umpathintambo obona ngoBulawayo uResident Minister Judith Ncube emngwabeni kaNkosikazi Zodwa Dabengwa
Inkokheli yamabandla aphikisayo ambalwa ibi khona emthandazweni owenzelwe ko Bulawayo andubana ayengcwatshwa eManxeleni. Linkokheli igoqela eye Zapu elalikhokhelwa ngumkakhe, eleMRP, eleCCC limelwe ngumkhokheli walo uMnu Nelson Chamisa, abemuli yakoDabengwa leyakoKhumalo, UNduna Mtshana Khumalo labanye.
Zodwa Dabengwa burial
UMaKhumalo owayezelwe ngomnyaka ka1947, ubhubhele eNgilandi mhlaka 15 Nhlangula ngemva kokukhulelwa ngumkhuhlane owemvukuzane alwisane lawo okwesikhathi eside. Utshiye abantwana abahlanu labazukulu abathathu.
Zodwa Dabengwa burial
Izikhulumi ezinengi emngcwabeni wakhe zilandise ngokulwela izwe kwakhe eseZambia waphenduka ekhaya kodwa ukubotshwa komkakhe labanye kwamhlukuluza njalo usisebenzele isizwe ngothando langokuzehlisa.