Ibandla elibusayo kweleSouth Africa eleANC lithi izizalwane zeZimbabwe kumele zibuyele elizweni lazo njalo lithi lisekela umphathintambo wendaba zasekhaya uMnu Aaron Motsoaledi kunyathelo lakhe lokuphikisa isinqumo senkantolo yeHigh Court esokuthi incwazi zamaZimbabwe Exemption Permits akumelanga zesulwe.
Umsekeli kanobhala jikelele walelibandla uNkosikazi Nomvuka Mokonyane utshele umsakazo kamabonakude owe-eNCA ukuthi kwavela kwaba liphutha elikhulu ekuqaleni ukuthi eleSouth Africa lamukele abantu bokuza.
Uthi lokhu sokulethele izizalwane zelizwe lakhe indubo ezinengi ezigoqela ukuswela imisebenzi lokutshontshelwa inotho yazo ngabokuza.
Ngokunjalo, uthi kumele kuguqulwe imithetho enza izizalwane zakwamanye amazwe zamukeleke kweleSouth Africa njalo lezo ezikhona zibuyele emazweni azo.
Ukuhlaziya loludaba sixoxe lesikhulumeli senhlanganiso yeZimbabwe Community in South Africa uMnu Bongani Mkhwananzi.
Your browser doesn’t support HTML5
Ingxoxo loMnu. Bongani Mkhwananzi.