VICTORIA FALLS - Abantu abedlula inkulungwane ezine lengxenye – 4,500 abadabuka emazweni ambalwa namuhla bebencintisana emdlalweni wokugijima oweVictoria Falls Marathon, obuqoqwe yinkampani yobulembu labomakhalekhukhwini eye-Econet.
Luncimbi owenzelwe eBaobab Primary School ubulabantu abagijime imango eyehlukeneyo, egoqela i42, 21, 10. 5 kanye le 7.5 kilometers.
Victoria Falls Marathon
Inkulungwane lezi zivuke zasabalala idolobho lonke, kodwa ekugqitsweni komincintiswano lo, uBlessing Waison, ogijimela iqembu leCardens Athletic Club eHarare, ubeyintshantshu kumcintiso we-42 kilometers lapho aphutshe lumango ngamahola amabili lengxenye -2 hours 15 minutes and 11 seconds, kwathi kwabesifazana uEthel Pangiso, olipholisa, unqobe ngamahola amabili lengxenye -2 hours 41 minutes 51 seconds. Ubeqala ukuthola lumklomelo.
Victoria Falls Marathon
“Engikuthandileyo yikuthi ngenelisile ukubambisana labanye, angikaze ngigijime ama 3 minutes 29 seconds sisiya ku 42 kilometers, kodwa ngikwanisile ukuthi ngihlale kodwa bekunzima ngoba bekulabe South Africa labo Olivia Chitate ingcitshi zakuleli kodwa kodwa ngithabile ngokuwina engikwenzileyo.”
UThobekile Ncube, odabuka eTsholotsho esigabeni seNtabeni, obeqala ukungena kumncintiso lo ngokuqhubelana imiqwayi - irelay emangweni we21 kilometers eseqenjini leBlack Rhinos Athletics Club, uthakazelela okwenziwe liqembu lakhe.
“Bekulemiqanso omnengi, sesijayele ukuthi nxa sigijima siyehlela kodwa kathesi bekunzima mbijana kodwa sikholisile.”
Victoria Falls Marathon
Omunye weqembu leli, uMoses Charakimu, olisotsha eZimbabwe, obenqoba okwesibili kumcintiso lo emangweni we-21 kilometers awugijime ihola elilodwa lemizuzwana -1 hour 4 minutes and 15 seconds, uthi uyaziqhenya ngalesisicoco ebesigoqela umvuzo wemali engange US$500. Ukhala kakhulu ngokuswela uxhaso kuhulumende kanye lezinye inhlanganiso ezizimeleyo.
Victoria Falls Marathon
“Siyabe sifisa ukuphatheka kumincintiswano ephezulu njengakwele South Africa kodwa kuyabe kungelamali, yikho sicela ukuthi nxa kungaba labangasixhasa bangenele.Imali le iyasincedisa kakhulu ukugcina imuli zethi, njalo nxa silolonga siyabe sidinga izicathulo zokugijima kodwa intengo yazo iphezulu.”
Victoria Falls Marathon
Kwabakhubazekileyo, umcintiswano womango we-21 kilometers abanqobileyo nguThandiwe Ndlovu kwathi uLameck Rashai yena uphutshe ngemizuzwana phambi kuka Thandiwe. UElizabeth Mukoloma, odabuka eZambia, uphutshe umango lo ekusigaba sesine.
Phambilini kokunikwa kwalaba izicoco, ungqongqotshe weEconet, uKezito Makuni, uveze ukuba bayaziqhenya ngasebekwenzile lezinye ingatsha ukukhululisa lumcibi owaqala kuminyaka elitshumi lanhlanu eyedlulayo kulabalihlekana nje ababephatheka kiwo.”
Victoria Falls Marathon
“Lokhu asikwenzeli nje ukuzithokozisa, kodwa sikwenza ngenhloso yokuxhasa uhulumende kunhlelo zokukhulisa ezokubukisa-tourism ngezigidi zamadola-US$ 5 billion njalo lokhu kungafezeka ngoba sibelabancinitisa bevela kumazwe ngamamazwe kusengeza ibhizimusi edolobheni leni njalo lumcimbi njalo siwenzela ukubona uzulu esiba lempilo enhle.”
Abancintise emidlalweni etshiyeneyo eyokuzilibazisa badabuka kwele Zambia, Botswana, South Africa, eMelika, kuzwekazi leEurope lakwele Australia.
Emaphethelweni omcimbi lo kusihlwa, uzulu umenyiwe ukuzozithokozisa ngezomculo kungelambadalo lapho okuzabe kulabaculi abagoqela uKabza wakwele South Africa.
SEE ALSO:
Udaba Esilwethulwe NguNokuthaba Dlamini