WASHINGTON DC – Ibandla leCCC lithi amanye amalunga alo eMasvingo laseHarare, aselandele isixwayiso salo sokuthi akhuphe amabizo awo kuluhlu lwalabo abazancintisa kukhetho oluzayo ezigabeni zelizwe lapho okulabanye bawo abancintisa esikhundleni esifanayo.
Ibandla leli lethule umbiko ngoMvulo lisithi abangasoze belandele isixwayiso lesi bazamangalelwa emthethwandaba obona ngenhlelo zokhetho oweElectoral Court, ngoba incwadi eziveza ukuthi banikwe imvumo yiCCC ukuthi bencintise zingasayinwanga ngokusemthethweni, okulicala.
Umsekeli wesikhulumeli salelibandla uMnu Ostallos Siziba uthi ithuba lokuthi abangakayi citshisa amabizo abo benze njalo lengezelelwe, ngakho selizaphela ngokutshona kwelanga lamuhla.
Your browser doesn’t support HTML5
Ingxoxo loMnu Gift Ostallos Siziba
Kusenjalo, isikhulumeli seCCC eMatabeleland North uMnu. Mhlonipheki Ncube, uthi balokhe bekhulumisana labanye babo eNkayi ukuthi belandele isixwayiso sebandla, njalo abanye sebevumile.
Your browser doesn’t support HTML5
Ingxoxo loMnu Mhlonipheki Ncube