WASHINGTON - NgoMvulo bekulikhetu leJuneteenth kwele Melika elokunanza ukukhululwa kwezigqili ezazingabikelwanga ngokukhululwa kwazo okusemthethweni eGalveston esabelweni seTexas.
Zakhululwa ngomnyaka ka1865 sekuleminyaka emibili uMongameli Abraham Lincoln wethula isinqumo sokuthi kumele kukhululwe izigqili zonke.
Abanye abamhlophe bala ukwenza lokhu besithi ngabantu ababathengayo abagqilazwayo.
Kunengi okwenziwe ngoMvulo ngabantu abatshiyeneyo kwele Melika kunanzwa usuku lolu.
Kulabanye njalo abathi akumelanga luthakazelelwa usuku lolu.
UMfundisi Raphael Mthombeni uthi kuqakathekile ukunanza usuku lolu ngoba abantu babegqilazwa okubuhlungu.
Uthi bakhohlakele abathi akumelanga kunanzwe usuku lweJuneteenh.
SEE ALSO:
Ingxoxo Esiyenze LoMnu. Raphael Mthombeni