WASHINGTON - Lokhu bezonde okumangalisayo abakumabandla aphikisayo kulandela ukwala izolo kwedale lephalamende ukuba kulahlwe kumbe kwehliswe inhlawulo ye-Nomination Fees yabafisa ukuncintisa kukhetho luka mongameli lolwamalunga edale lephalamende oluzaqhutshwa lonyaka.
Ukwala kwedale leli kulandele umbiko ongamubi kangako owethulwe luhlangothi lwezemithetho edale lephalamende olweParliamentary Legal Committee.
Uhlangothi lolu, olulamalunga amanengi avela kubandla eliphikisayo, luthe aluboni inkinga ngokuthi abafisa ukuncintisa kukhetho lukamongameli bekhokhe inkulungwane ezingamatshumi amabili amadollar eMelika – US$20,000. Abafisa ukuncintisa kukhetho lwamalunga edale lephalamende bazakhokha inkulungwane zamadollar eMelika – US$1,000 umuntu munye ngamunye.
Umthethwandaba weConstitutional Court kunsukwana ezedluleyo wethula isinqumo esithi kumele idale lephalamende lihlolisise inhlawulo le eyethulelwa amabandla ezombusazwe yikhomishini yeZimbabwe Electoral Commission.
Ukuze sihlaziye udaba lolu, sixoxe loMnu. Prince Dubeko Sibanda, omele iBinga North edale lephalamende ekubandla leCCC, loMnu. Believe Gaule, okubandla leZanu PF.
USibanda uthi imali le ngeyokuthi abampofu benganeni kukhetho oluzayo.
UGaule uvumelana laye esithi kumele yehliswe imali le ngoba balutshwana abangenelisa ukuyibhadala.
UMnu. Divine Mhambi Hove, umkhokheli webandla leNationalists Alliance Party, owahambise udaba lolu emthethwandaba, uthi basacabanga ngabazakwenza kulandela okwenzakale edale lephalamende.
SEE ALSO:
Ingxoxo Esiyenze LoMnu. Price Dubeko Sibanda LoMnu. Believe Gaule