Amabandla Ezombusazwe Athi Amelele Ugwalo Lokuvota Ukuze Ekhankasele Ukhetho Oluzayo

WASHINGTON - Amabandla ezombusazwe athi amelele ugwalo olulamagama abavotayo iVoters Roll oluzakwenza bekhankase ngamandla ukuze benqobe kukhetho oluzayo.

IZimbabwe Electoral Commission kayikavezeli amabandla azancintisa kukhetho olukhulu oluzayo ugwalo lokuvota. Iphephandaba leSunday Mail libika ukuba ugwalo lolu luzanikwa abazancintisa kukhetho ngoLwesithathu ozayo.

Kasenelisanga ukuxoxa leziphathamandla zekhomishini le ebezingaphenduli omakhalekhukhwini.

UMnu. Kuda Munsaka, okubandla leZanu PF, uthi iVoters Roll isetshenziswa ngendlela ezitshiyeneyo.

SEE ALSO:

Ingxoxo Esiyenze LoMnu. Kuda Munsaka

Lokhu kusekelwa nguMnu. Gift Ostallos Siziba, umsekeli wesikhulumeli sebandla leCitizens Coaltion fof Change.

SEE ALSO:

Ingxoxo Esiyenze loMnu. Ostallos Siziba

EleZimbabwe lizaqhuba ukhetho mhlaka 23 Ncwabakazi loba abantu abenengi bekhala ngokuswelakala kweVoters’ Roll.