CHIPINGE -- Amakhulu lamakhulu abantu babuthane esikolweni se Emirald Primary School, esise Chipinge, esigabeni seManicaland, benanza impilo ka muyi uRev. Ndabaningi Sithole ophiwe inhlonipho yeqhawe lesizwe, iNational Hero ngemva kweminyaka engamatshumi amabili lantathu watshonayo.
Bekuculwa lemigido yendulo abantu bemangweni waseChipinge, bejabulela isinqumo esithethwe ngu hulumende esokuba uSithole aphiwe inhlonipho yeqhawe lesizwe.
Ekhuluma kulumbuthano emele uMongameli welizwe, uNkosikazi Oppah Muchinguri uthe ngabe ilizwe kalizange libe labantu abafana lo Sithole ngabe kalizange lithole inkululeko.
Uqhubeke esithi uhulumende uphume lesinqumo sokuthi uSithole aphiwe inhlonipho yokuba liqhawe lesizwe lobanje wayelombono owawehlukile lowayengumongameli welizwe, uMnu. Robert Mugabe.
Lokhu kugcizilelwe lilunge lilunga le ZANU PF Central Committee obe esembuthanweni lo uMnu Tshinga Dube.
Indodakazi ka Sithole, uNkosikazi Sifiso Sithole-Baro uthe njenge muli bemukele ngenjabulo isinqumo esithethwe nguhulumende lanxa kuthethe iminyaka eminengi ukuthi ayithole linhlonipho okwakumele ayhithole kudala.
Rev. Ndabaningi Sithole Hero status
Kodwa ingcitshi kwezombusazwe uMnu Tjenesani Ntungakwa uthi kuyamangalisa ukuba iZANU PF ikhethe ukuhlonipha uSithole ngalesi sikhathi.
Umkhosi wanamhlanje ungenwe ngabantu abanengi abagoqela abamabandla aphikisayo, abezokholo, abemuli labangane.
USithole owaba ngumkhokheli wakuqala weZanu lapho libunjwa ngomnyaka ka1963, waxotshwa kuleli bandla ngomnyaka ka 1975 esetheswa umlandu wokuba ngumthengisi. Abanye abangathatshiswanga yilesi sinqumo sokuxotshwa kwakhe baphuma ebandleni leli basungula elinye abalibiza ngokuthi yiZanu –Ndonga, inengi labo ababedabuka emangweni weChipinge.
Rev. Ndabaningi Sithole Hero status
Ngemva kokuba ilizwe selithole uzibuse uReverend Sithole wahlukunyezwa kakhulu nguhulumende kowayengumongameli umuyi uMnu. Robert Mugabe, okwenza wabanjwa ngamandla ukubaleka elizweni esiyaphephela kwamanye amazwe agoqela eTanzania laseMelika.
Lonyaka uhulumende kaMongameli Emmerson Mnangagwa, uphume lomcabango wokuthi kumele inhlonipho yeqhawe lesizwe okumangalise abanengi, ingcwethi ezicub ungula ezombusazwe zisithi kungaba kuliqhinga lokuzama ukuthola amavoti abantu basesiChipinge njengoba ukhetho lwalonyaka solusondele.
Your browser doesn’t support HTML5
Udaba lokuphiwa inhlonipho yeNational Hero kukaSithole siluphiwa nguMlondolozi Ndlovu