HARARE -- Uzulu kanye lengcitshi ezicubungula ezombusazwe bayalisola inyathelo leZANU PF elokupha omunye wabasungula lelibandla waba ngumkhokheli walo wakuqala, umuyi uMnu. Ndabaningi Sithole inhlonipho yokuba liqhawe lesizwe iNational Hero, ngemva kweminyaka engamatshumi amabili lantathu watshonayo.
Linsolo iphuma ngesikhathi uMongameli Emmerson Mnangagwa ekhangelelwe ukuya eChipinge kusasa emcimbini wokunikeza uSithole inhlonipho le ngomsebenzi awenzayo wokulwela inkululeko yelizwe.
Uhulumende ukhuphe umbiko esithi lokhu kwenzelwa ukuba uSithole njengeqhawe elakhohlakalayo embusweni wakuqala aphiwe inhlonipho yakhe lokuba imuli yakhe inanekelwe nguhulumende.
Kodwa ingcitshi kwezombuzazwe ziyalisola leli nyathelo zisithi kuyini okungabe kwenze ibandla le ZANU PF lacabanga ukukhumbula uSithole sekuleminyaka eminengi kangaka lokhe watshonayo.
Ingcitshi yembali yeZimbabwe esebenza lenhlanganiso ye Zimbabwe Revolutionary Council uMnu Tjenesani Ntungakwa uthi kusobala ukuba iZANU PF isidinga usekelo.
“Bayenzele ukuba abantu besi Ndau ukuba babone uMnangagwa njengomuntu oqondileyo. USithole waba ngu Mongameli we ZANU PF ngesikhathi o Mnangagwa bengakaziwa”
Lokhu kugcizelelwe ngenye ingcitshi kwezombusazwe, uMnu Welmore Sibanda yena othi uSithole kazange amukelwe nguhulumende weZimbabwe lalapho esaphila.
“U-Sithole ngangimazi engu muntu owalwela inkululeko wabantu. Uhulumende waxotsha abantu, kodwa uSithole esefile uMugabe walipha abantu. IZANU idinga ukuthi isekelwe ngabantu isicabanga amaqhawe akudala”
Uhulumende encwadini ayilobe izolo uthi lokhu akulani lezombusazwe. Okugcizilelwe lilunga ledale le ZANU PF Politburo, uMnu Mabutho Moyo yena othi lokhu kuveza ukuba uMnangagwa uzimisele ukumanyanisa ilizwe.
“Ukubekwa kuka Sithole njenge qhawe lelizwe kutshengisa ukuba uMongameli Mnangagwa uzakwenza konke okusemandleni akhe ukuhlonipha amaqhawe sizakubona kusasa okuzakwenzala”
USithole wayethwetshulwe yingwe ngo mnyaka ka 1920 mhlaka 21 Ntulikazi 2021, abazali bakhe kungu Mnu. Jim Sithole owe Chipinge loNkosikazi Siyaphi Tshuma owe Nyamayendlovu. Wabhubha ngo mnyaka ka 2000 mhlaka 12 Mpalakazi.
Wangena kwezombusazwe engumphathisikhwama webandla le National Democratic Party (NDP) njalo waba ngu mgcinisihlalo webandla le ZAPU.
Wayengu mfundisi we bandla le United Church of Zimbabwe (UCZ) efundele ukuba ngu mfundisi kwele Melika.
Kuthe ngesikhathi ibandla le ZANU libunjwa waba ngu mkhokheli webandla leli wakuqala, wasekhitshwa ngomnyaka ka1975 ephuma ejele lapho ahlala khona okweminyaka elitshumi ebotshwela umzabalazo wokukhulula ilizwe embusweni wabahuquluzi abamhlophe.
Your browser doesn’t support HTML5
Udaba lwenhlonipho esiphiwa uSithole yena kudala watshona siluphiwa nguMlondolozi Ndlovu