Ibandla leZanu PF Lincoma iSenate Epasise i'Patriotic Bill' Echothozwa Ngabaphikisayo Abathi Izakhahlameza Uzulu

MARYLAND - UMongameli Emmerson Mnanagwa ukhangelelwe ukuba uzasayina umthetho obunjwayo oweCriminal Law Codification and Reform Bill, osanda kupasiswa lidale leSenate.

Ezinye iziqa zomthetho lo zivimba abadabuka eZimbabwe ukuba bekhulume labakwamanye amazwe ngokwenzakala elizweni kumbe ukukhankasela ukuthi amanye amazwe ajezise eleZimbabwe. Ozatholakala elecala uzajesizwa ngokuthathelwa ilungelo lokuba yisizalwane seZimbabwe – iCitizenship - kumbe avalelwe entilongweni okwesikhathi eside.

Abazama ukugenqula uhulumende balakho ukugwetshelwa ukulengiswa.

Abaphikisayo bathi kunengi okumunyethwe ngumthetho lo obunjwayo okulakho ukukhahlameza uzulu.

Bathi kukhanya engani uhulumende kaMongameli Emmerson Mnangagwa wesaba ukusuka embusweni ngakho-ke usezivikela ngomthetho lo, owaziwa ngokuthi yiPatriotic Bill.

Kambe liyangaphi eleZimbabwe uma iCriminal Law Codification and Reform Bill ingaba ngumthetho?

UMnu. Joseph Tshuma, okudale leCentral Committee kubandla leZanu PF, uthi umthetho lo wenzelwa ukuba abantu behloniphe ilizwe labo.

Kodwa uMnu. Fortune Mlalazi, okubandla leCitizens Coalition for Change, uyakuphika lokhu esithi umthetho lo ngowokuncindezela abantu beZimbabwe.

SEE ALSO: