MARYLAND - Bayakhala abakumabandla atshiyeneyo, ikakhulu aphikisayo, abathi akukhanyi okuzakwenziwa yikhomishini ebona ngezokhetho iZimbabwe Electoral Commission mayelana lamagama alabo abangekho kuluhlu lwamagama abavotayo olweVoters Roll. Abakubandla elibusayo labo bathi kulabanye babo abangekho kugwalo lwabavotayo.
Ukuhlolwa kwamagama kuVoters Roll eZimbabwe kugcitshwa namuhla kulabanengi abakhonona ngokuthi amagama abo kawakho kugwalo lolu oluzasetshenziswa mhlaka 23 Ncwabakazi lonyaka. AbeZEC kabakakhulumi ngokwengeza isikhathi sokuhlola amagama kugwalo lolu. UNkosazana Ellen Shiriyedenga, obona ngezokhetho kubandla leCCC, uthi bayakhala abantu ngokwenziwa yiZimbabwe Electoral Commission.
Uyakhala loMnu. Nhlanhla Moses Ncube, okunhlanganiso yeFreedom Alliance.
Abakubandla leZanu PF labo bayakhala ngokwenziwa yiZEC. UMnu. Joseph Tshuma ngomunye wababambe owangaphansi ngokwenziwa yikhomishini le.
UTshuma uphinde wathi okunye okwenziwa yiZEC kuyalungiseka.
Lokhu kusekelwa nguMnu. Believe Gaule okubandla elibusayo.
Kukhangelelwe ukuba ugwalo lokuvota luzavalwa okusemthethweni kusasa. Abazabhalisela ukuvota kusukela kusasa kabasoze bevote kukhetho olukhulu oluzayo.
SEE ALSO:
Udaba Esilwethulelwe NguGibbs Dube