WASHINGTON DC - Bekungabizwa ozwayo, NgoMgqibelo, lapho izizalwane ze Zimbabwe esezihlala eMelika ebezibuthene ngosuku lwesibili lombukiso wezamabhizimusi, owe Zimexpo 2023, owenzelwa edolobheni leAtlanta, esigabeni seGeorgia, eMelika.
Lumbukiso oqale NgoLwesihlanu, mhlaka 26 Nkwenkwezi uphela ngoMvulo mhlaka 29 Nkwenkwezi, uhlanganisa osomabhizimusi, abafisa ukungena kwezamabhizimusi e Zimbabwe laseMelika, abehofisi yommeli wezimbabwe eMelika labantu makhaza.
Kulemicimbi ehlukeneyo yokuthokozisa uzulu, imdilalo yenguqu labathengisa impahla elungiswa eZimbabwe lokunye.
I-Studio 7 ibe lethuba lokuxoxa lesinye isizalwane seZimbabwe esikumsebenzi wokuthenga lokuthengiswa kwezindlu, uNkosazana Faith Nhari, osebenzela eGeorgia laseTexas eMelika.
Nkosazana Nhari ucebisa abeZimbabwe asebethuthela kweleMelika ukuthi kabahle bathenge indlu phakathi kweminyaka emibili beze kuleli lizwe kungakhathekile ukuthi ulengwalo ezinjani ezokukuvumela ukuhla elizweni.
"Ukuthenga indlu yinto elula kabi, ngakho ungaze wamelela ukuze uqede iminyaka emihlanu eyi15 ukuze uthenge indlu wohlu thenge khonaph khonapho. Ngoba ukuhlala ubhadala iRent akukuncedi ngalutho, ikantike ungathenga indlu yakho, ngemva kweminyaka emihlanu iyabe isile nzuzo ungacabanga ukuyithengisa," kutsho uNkosazana Nhari.
Your browser doesn’t support HTML5
Udaba olombukiso oweZimexpo sixoxa loNkosazana Faith Nhari