BULAWAYO- Kuliviki kuhlelo Woza Friday sileqembu elicula umdumo wesicathamiya elaMaqaqa. Seliphendukile njalo ledlalade labo elitsha abazoliphakulela uzulu kusasa e Art Gallery koBulawayo.
Idlalade labo elitsha elithi "Ngicele linye Thuba Baba" kukhanya lidla amalangabi. UKhulekani Khabo ngumholi we-Amaqaqa, akusikhumbuze labunjwa njani leliqembu.
"Iqembu laMaqaqa lisungulwe ngomnyaka ka 2018 eSouth Africa. Imbangela yokuvuka kwaleliqembu kwakuyikukhathazeka ngomculo. Mangikhathazeke ngomculo laphana ngigijima ngayatshela omunye umnganwami ukuthi mfowethu ngikhathazeke kakhulu ngomculo. Ngaze ngathi mina lento singathi ime njengentaba phambi kwami wasethi vele uyiqaqele leyontaba ngathi hawu madoda ma usithi ngiyiqaqele utshoni wathi ngithi khuphuka uye ngangale kwayo. Yikho ke ngasengisithi mina ngizovusa iqembu ngithi ngamaqaqa ngoba mina sengiliqaqa vele selikhuphuke intaba so masesibanengi sesingaMaqaqa."
Amaqaqa accapela group
"Siphethe i album elitsha elaMaqaqa, idlalade elithi lona "Ngicela elinye ithuba baba" its a Gospel album esiyobe siyilontsha siyethula phambi komphakathi kusasa eNational Gallery of Zimbabwe in Bulawayo. Kuzobamnandi kuzoba ,kuzoba yibusuku bendumiso."
Iqembu lamaqaqa selidume okwamagama eZimbabwe njalo selibhode kakhulu emazweni angomakhelwane liqhatshwa ukuzocula, pho Khabo lisebenze lobani kulelidlalade?
"Sisebenze nje singaMaqaqa, akukho umhlabeleli okhona esimfitshileyo noma ngithi esisebenzisane laye, sisebenze nje siliqembu laMaqaqa. Kodwa siyathembisa ukuthi kukhona nje futhi okuzayo maduze umnyaka lapha usiyaphela sizayenza ialbum labantwana. Kids album lapha esifisa nje ukuthi abantwana bezizwe beqakathekile."
Amaqaqa accapela group
"Online ungangena kuma Itunes uyalithola, ungangena ku Spotify uyalithola, kanti ungangena ku Youtube channel yethu Amaqaqa music, uyathola amavideo ubukele nje manengi kakhulu. Ku Facebook uyathi Amaqaqa music, ku Twitter Amaqaqa music, instagram Amaqaqa music kanti ku Tik tok Amaqaqa music. Bakithi siyabong kakhulu sengathi lingaqhubeka lisisapota ngayonale indlela, lingaqhubeka lisenzela lokhu elisenzela khona. Sinje sinjenje singaMaqaqa ngenxa yenu."
Amaqaqa accapela group
Ngumculo ongelamachachu oculwe ngamazwi avevezelayo uyahlakaza njalo ubusisa abantu abanengi. Amaqaqa yiwo ebesilawo kuhlelo Woza Friday namhlanje aya eqansa esiyaphezulu.