Ugatsha lwezemfundo yePrimary leSecondary School luqale ngoLwesibili umkhankaso wamalanga amabili wokuhlaziya inhlelo zezifundo eze new curriculum.
Udaba egudwini obe lubabazwa ngabanengi lusolwa ngabazali, ababalisi labantwana besikolo ngolwe Continuous Assessment Learning (CALA).
Okunye okwenziwa phansi kohlelo lweCALA ezikolo
Inew Curriculum le yafakwa ngowaye ngumpathintambo wezemfundo uMnu. Lazarus Dokora ngomnyaka ka 2015 abazali bengayifuni. I-CALA ibikwa ikhuthaza ukufunda imsebenzi yezandla kuhlaziywa ulwazi lwabo kulimsebenzi.
Omunye wabazali okhethe ukubizwa ngokuthi nguNaka Keith uthi ufuna inew curriculum leyi, iguqulwe/
Abantwana abanengi bathi kabaluzwisisi uhlelo lolu
"Ngingumzali olomntwana oku Grade 2 lomunye oku Grade 4. Siyakhala kakhulu ngoba iCALA ifuna imali ikakhulu nxa usu Googler laphana mele u google ubususiya printisa. Ukuprintisa yimali ukugoogler kufuna idata."
Ababalisi labo bathi iCALA inzimela abantwana. UMrs Elasi Musodza ufundisa ograde 3 laye ngomunye wabathi inew curriculum kayiguqulwe.
"ICALA mina benguthatha njenge project ye university. EUniversity ngimdala nginje ngenza iproject eyiona engiyi submmithayo kumbe kuyathatha umnyaka wonke kumbe embili ngisenza iproject. Ukuze kubelesisindo, ukuze bafunde lesisindo ukuze bafunde leskill esifuna basifunde kumele bazenzele bodwa ama CALA lawa so banikwe iCALA eyodwa yento eyodwa abangayenza bayisubmmithe maybe at the end of ijuniour school yabo. Singakwenza kube kunenginga kucina sokusenziwa ngabazali umntwana usala engafundanga."
Umbalisi uMiss T Sibanda uthi iCALA ihlukumeza abantwana, abazali lababalisi.
“ICurriculam sesiqalisile ukuyi reviwer siqalise namuhla siqala ngeqembu labantwana. Abantwana labo balembono yabo etshiyeneyo ikakhulu bathi sibathwalisa nzima ngama CALA. Nsuku zonke siphiwe ama CALA asisalali lobuthongo. Abazali bona bajayele ukukhala kakhulu ngokuthi indaba ye CALA leyi ibangena kakhulu eskhwameni."
Ingcwethu kwezomfundo zithi inew curriculum kwakuvele kuliphutha elenziwa nguhulumende. UMnu Benny Moyo ngusomfundo owaphatha izikolo ezinengi kweleZimbabwe kazange amkele imfundiso entsha.
"UHulumende vele into ayenza kuqala yayivele iyimboza abantu bachitha iskhathi esinengi bekhangela into zeCALA. Imali echithwa laphana lesikhathi esichithwayo akuhambelani lama marks akhona e30% ususuka lapho. Abanye abazali abala access to idata, ezinye izikolo azila access to data kucine ngabazali abasebenzayo khona."
Isikhulumeli sogatsha lwezemfundo salile ukukhuluma ngohlelo olweCALA kodwa satshela i-Studio 7 ukuthi umkhankaso uhamba kuhle lokuhlaziya ngezifundo luhamba kuhle uzakhuluma ngokweCALA isiphelile imihlangano eyenziwa ilizwe lonke yokucubungula inew curriculum. Umkhankaso lo uphela kusasa.