UMongameli Emmerson Mnangagwa izolo wamukele ama-helicopter alitshumi lasitshiyangalombili, 18, athengwe nguhulumende kweleRussia azasetshenziswa ezibhedlela ngabezempilakahle, abezomvikela abagoqela amapholisa kanye lababona ngokuhlenga uzulu nxa ethe wehlelwa yingozi.
UMnangagwa uthe ngokuthenga ama-helicopter lawa, uhulumende wakhe ukuvezile ukuzimisela kwakhe ukuthuthukisa impilo kazulu.
Kodwa abanye bathi uhulumende ubemele athenge izimota ezithwala izigulane ezibhedlela kuqala ama-ambulances njalo ethnge lemitho esilelayo kuqala.
UMnangagwa wamukele ama-helicopter lawa egcekeni lendizamtshina eHarare.
Kubikwa kulamanye njalo ama-helicopter alitshumi lasitshiyangalombili azafika eZimbabwe kungakapheli umnyaka.
Lanxa uhulumende engavezanga ukuthi athengwe ngemalini, ikhasi elisetshenziswa ngamalunga eZanu PF kuTwitter lithe athengwe ngeUS$320 million, okuyinto ephendle inkulumo abanye besithi adule kakhulu.
Sixoxe okhokhela inhlanganiso yeIbhetshu likazulu uMnu Mbuso Fuzwayo.
Your browser doesn’t support HTML5
Ingxoxo loMnu. Mbuso Fuzwayo.
Siphinde saxoxa lengcwethi ecubungula ezombusazwe, uMnu. Anglistone Sibanda.
Your browser doesn’t support HTML5
Ingxoxo loMnu. Anglistone Sibanda.