Kulandela ukwethulwa kwezijeziso ezetheswa labo ababephenywa ukuthi bengabe baphatheka kudaba lwenkohlakalo olubikwa luvezwa ngumsakazo we Aljazeera, lokumiswa kokuhlaziya loludaba edale lephalamende, abalwela ilungelo loluntu kanye labezombusazwe sebeveze imbono ehlukeneyo ngaloludaba.
Ugatsha lukahulumende olwe Financial Intelligence Unit oluyilo olwethula lezi izijeziso luthi akutholakanga ubufakazi obuveza ukuthi abaqanjiweyo laba badala icala.
Usomlomo wedale lephalamende uMnu. Jacob Mudenda yena uthi udaba lolu ngumlandu wamapholisa lababona ngezenkohlakalo elizweni, hatshi iphalamende.
Ukuhlaziya loludaba, sixoxa loMnu. Mbuso Fuzwayo, ingcwethi ecubungula ezombusazwe, kanye loMnu. Ambrose Sibindi, isiphathamandla senhlanganiso yeZimbabwe Congress of Trade Unions leyeBulawayo Progressive Residents, onguye osungula lingxoxo.
Your browser doesn’t support HTML5
Ingxoxo loMnu. Ambrose Sibindi Endawonye loMnu. Mbuso Fuzwayo