Lezi ngezinye zezibopho ezivunyelenwe ekugqitshweni komhlangano wensuku ezimbili wokubonisana kwabesifazane abaphatheke kwezombusazwe owenzelwe ehoteleni yeHarare International Conference Centre owe Intergenerational Dialogue on Women's Politics, uqoqwe ngabe African Women Leaders Network-Zimbabwe Chapter.
Isiphathamandla senhlanganiso, eyeInternational Institute for Democracy and Electoral Assistance, uNkosikazi Sifisosami Dube, uthi kunengi abakukhulume emhlanganweni lo.
“Sisebenza lama Local Government Councils size sisebenze lama parliamentarians, ama-honourables but kunzima akukho lula ngoba bahlangana lama-challenges anjengokuswela imali yokukhampena ukuswela njalo i-information. Umzekeliso yikuthi baqalile khathesi ukuthi benze ama-nominations for ama-elections alapha eZimbabwe kodwa kube nzima kwabanye ukuthi bathole i-information ngesikhathi kungakayiywa kuma-nomination courts.”
Abanye abangene umhlangano wabesifazana eHarare. (VOA)
UNkosikazi Lindani Dube, Owebandla leMDC-T, uthi umsebenzi wokuba ngummeli owesifazane kawuthambanga ufuna abalenkani.
“Ngikhuthaza abanye omama ukuthi heyi, asisukumeni lesi ayisiso sikhathi esokugeza ubuso sisehlisa sesimele sigeze ubuso bethu lathi sikhweza ukuze lathi siszimele. I 50/50 leyo nje ayimelanga iphelele nje ekukhulumeni kumele kulingane okufaneleyo sibili. So mina ngizayala ngilenkani angisoke ngabanjwa umlomo, ukuhlala singababotshwe umlomo ukuthi khuluma ke, khathesi ungakhulumi, hayi mina kulokho ngiyakwala umama wakulezi insuku kumele akwale laye.”
Banengi abangene umhlangano wabesifazana eHarare. (VOA)
Lokhu kusekelwe ngomela uBulawayo edale leSenate, uNkosikazi Dorothy Molly Ndlovu, yena okhuthaza abesifazana abasakhulayo ukuthi lanxa besizwa lezi nhlupho kakumelanga besabele khatshana.
“Abadala yibo abancenta indlela becentela abantwana ngoba abantwana bayabe bengayazi indlela so abadala nxa behamba phambili bayabe belungile. Bona bangena ku-politics bengene bengalalwazi olukhulu bangene ngenhliziyo zokulwa bangene ngenhliziyo zokufuthelana kukanti ke ku-politics lakho ungaba njalo kwesinye isikhathi akulalutho oluwinayo. Kuzobuya futhi kwesinye isikhathi lakho ungaba soft kakhulu kuyahlupha. Kuyamela ube soft nje kodwa lanza ubeka izinto zakho ungazibeki ngolaka ukwenzela ukuthi lowana oyabe ukhuluma laye laye angacini eseriyektha ngendlela engayisiyo.”
Umhlangano wabesifazana eHarare. (VOA)
Umongameli wedale lephalamende labasakhulayo, uMnu. Unathi Nyoni, uthi umhlangano lo ubahlanganise labantu abaqakathekileyo abalemibono ekhaliphileyo.
“Kuqakathekile kakhulu ukuthi silethwe lathi etafuleni lapho indaba lezi ezikhulunywa khona ukwenzela ukuthi sibekwazi ukuthi nxa usubona umfazi esedlala indima yezopolitiki uriyekitha njani wena njengomuntu wesilisa. Mina yinto engiyithokozele kakhulu ngithole ithuba lokuba ku-panel ye, the theme of the panel was engaging men on women’s political participation bengikhuluma kuleyo panel. Nginanzelele ukuthi abesilisa labo badlala indima eqakathekileyo ukufeza amaphupho abesifazane ukuthi befike bedlale iqhaza abafuna ukulidlala kwezopolitiki lezombusazwe.”
Abesifazane abangene lumhlangano bathi minengi imigoqo ababhekana layo esukela kwezokuswela imali yokukhankasa kanye lakho ukuthi bakhangelelwa phansi njengabomama.
Women attending a high-level meeting in Harare
Lumhlangano obuphezu kokubonisana ngokungenziwa ukuthuthukisa inani labesifazane abaphatheka kwezombusazwe uqhutshwe phansi kwesihloko esithi, “Stimulating Inter-generational Dialogue between Generations: Shared Responsibility”.
Ungenwe ngabesifazane abavele emazweni asemhlubulweni wangezansi kwezwekazi leAfrica, abezokholo, inkokheli yomdabu, inhlanganiso ezisebenzisana labesifazane kanye labameli bezigaba eZimbabwe lakwamanye amazwe angomakhelwane.
SEE ALSO:
Udaba Esilwethulelwe NguMavis Gama