Kukhetho olwedluleyo uqhubeke ngembiko yakhe yokuthi waqilibezelwa
OwayenguMongameli weleMelika, umnu. Donald Trump izolo ubethula amazwi akhe kungxoxo-mpikiswano ebulawulwa ngumsakazo we cnn lapho aphathe khona indaba ezimbalwa.
UTrump ulandule ukuthi umama okuthiwa wamdwengula, uNkosikazi E Jean Carrol, uyamazi esithi kazange ake ahlangane laye.
Kukhetho olwedluleyo uqhubeke ngembiko yakhe yokuthi waqilibezelwa.
Ebuzwa ukuthi uzavuma na nxa enganqotgshwa kukhetho oluzayo, uTrump uthe kuzakuya ngokuthi ukhetho lwakhona luyabe luqutshwe njani.
Ebuzwa ngempi ye Russia le Ukraine, uTrump uthe ngabe engumongameli impi le yayingasoze ibekhona wengezelela esithi engumongameli ubezamisa impi le ngelanga elilodwa.