WASHINGTON - Iqhubekela phambili impi yomvukela kwele Sudan, okulabantu abafika inkulungwane ezingamakhulu ayisikhombisa – 700,000 asebebaleke emizini yabo basabalala ilizwe lonke.
Abezindaba abeReuters babika ukuba ibutho likahulumende lecele lebutho elilamandla amangalisayo eleRapid Support Forces bebelwisana okwesabekayo namuhla eKhartoum.
Inhlanganiso yeUnited Nations International Organization for Migration ithi banengi abantu abafisa ukuyaphephela kwamanye amazwe.
Kusenzakala lokhu, amacela womabili alwayo alezithunywa ezikwele Saudi Arabia, ezizama ukumisa impi yomvukela le. Abalwayo nguGeneral Abdel Fattah al-Burhan loGeneral Mohammed Hamdan Dagalo, abasusa uMnu. Omar al Bashir esikhundleni ngomnyaka ka2019.
EleZimbabwe selihlenge abantu abedlula kancane amatshumi ayisithupha – 63. Kubikwa ukuba abathathu lokhu befisa ukuhlengwa nguhulumende.
UMnu. Raphael Mthombeni, olandela udaba lolu ekwele Melika, uthi kuzakuba nzima ukumisa impi yomvukela le.
SEE ALSO:
Ingxoxo Esiyenze LoMnu. Raphael Mthombeni