WASHINGTON - Inhlanganiso yeFraser Institute ithi eleZimbabwe lisemuva kulamazwe wonke omhlaba jikelele ekutholeni abafisa ukungena kubhizimusi lokwemba amatshe aligugu lokunye.
Inhlanganiso le yethule umbiko lo ngoLwesithathu kulandela uphenyo elwenze nyakenye emazweni ambalwa.
Ithi amanye amazwe alemithetho engaqedakaliyo lokunye okuvimba osomabhizimusi abangena kwezokwemba agoqela eleMozambique, South Sudan, Angola, Zambia, South Africa, China, DRC, Papua New Guinea leTanzania.
IFraser Institute ithi amazwe agoqela eleMelika, Canada lamanye akwenza kubelula ukuba osomabhizimusi bengene kubhizimusi lokwemba okutshiyeneyo.
Uphenyo lolu lokhangele njalo ezombusazwe, ezokuthwala impahla, imigwaqo, isimo zikazulu, ukulwisana endaweni zokwemba, umthelo we-tax lokunye.
Kasenelisanga ukukhuluma ngodaba lolu lomphathintambo kahulumende obona ngezokwemba okutshiyeneyo eZimbabwe. Ukuze sihlaziye udaba lolu, sixoxe loMnu. Believe Gaule, okubandla leZanu PF, othi eleZimbabwe liqhuba kahle kwezokwenjiwayo hathi lokhu okwethulwe yiFraser Institute.
SEE ALSO:
Ingxoxo Eziyenze LoMnu. Believe GauleKodwa uMnu. Fortune Mlalazi okubandla leCCC, uthi kunengi okungenziwa kahle nguhulumende weZimbabwe.
SEE ALSO:
Ingxoxo Esiyenze LoMnu. Fortune Mlalazi