WASHINGTON - EleZimbabwe selethulele uzulu imali ebizwa ngokuthi ngama tokens elesisindo segolide elisebhanga elikhulu lelizwe.
Ibhanga leReserve Bank of Zimbabwe lithi imali le izatholakala ngedlela obekutholakala ngayo ama-gold coins.
Ithi kuzakuba lezamba zemali zabantu emabhanga ezibizwa ngokuthi ngama e-wallets kumbe ama-e-gold cards. Ofisa ukuba lemali le kumele ayithenge ayisebenzise ekwenzeni ezamabhizimusi kumbe ukuthenga impahla lokunye.
Ingcwethi ezizimeleyo zithi lokhu akusoze kuncede ilizwe elibhekane lohlupho lwemali egugudeka nsukuzonke.
Ukuze sihlaziye udaba lolu, sixoxe loMnu. Rejoice Ngwenya ingcwethi kwezenotho, okunhlanganiso yeCoalition for Market and Liberal Solutions, othi akuqedakali okwenziwa nguhulumende kaMongameli Emmerson Mnangagwa.