WASHINGTON - Abalandela ezombusazwe bathi ukulwisana phakathi kwebandla leMDC-T elikhokhelwa nguMnu. Douglas Mwonzora leleCitizens Coalition for Change, elikhokhelwa nguMnu. Nelson Chamisa, kulakho ukuphazamisa ukuba kubelohulumende othakazelelwa nguzulu eZimbabwe.
Abakubandla leCCC bathi uMwonzora ngumthengisi.
Amalunga amabandla la asanda kulwa okumangalisayo eChinhoyi lapho okusele abanye belamangxeba. Bekubangwa iwofisi eyayiphethwe libandla leMDC Alliance elake lakhokhelwa nguChamisa engaka sunguli ibandla leCCC. Amalunga ebandla leCCC athi uMwonzora ngumthengisi.
UMnu. Witness Dube, obona ngokwethulwa kwemibiko kubandla leli, uyakuphika lokhu.
UDube uthi akuqedakali okwenzakale kubandla leCCC.
Kodwa uMnu. Prince Dubeko Sibanda, omele iBinga North kudale lephalamende, uthi uMwonzora ngumthengisi.
USibanda uthi okwenziwa nguMwonzora labanye abakhe kubisela muva amabandla aphikisayo.
UMnu. Ambrose Sibindi, okunhlanganiso yeBulawayo Progressive Residents’Association, uyakusekela lokhu.
USibindi uthi kunengi okwenziwa nguMwonzora okuveza ukuba udlelana lebandla leZanu PF.
Ukulwa kwamabandla la kwaqala eleMDC-T lithatha ngenkani igama leMDC Alliance njalo lempahla, egoqela isakhiwo