Abenhlanganiso yababalisi eye Amalgamated Rural Teachers Union of Zimbabwe-ARTUZ bethule umbiko othi lanxa besamukela ngenjabulo ukubotshwa kukamgcinisihlalo oweZimbabwe Confederation of Public Sector Trade Unions (ZCPSTU) uNkosikazi Cecilia Alexander, kumele babotshwe bonke abaphatheka ekuhuquluzweni kwemali kuhulumende.
UAlexander wetheswa icala lokuhuquluza imali kuhlangothi oluncedisa izisebenzi ukuthola usizo lokwelatshwa olwe Public Service Medical Aid (PSMAS) lapho alilunga ele Board emmela izisebenzi.
Nguye njalo othandwa nguhulumende, ukukhulumisana laye emela izisebenzi kudale leNational Joint Negotiating Council- NJNC.
I - PSMAS isilesikhathi ibhekane lenkinga zokwebiwa kwemali yiziphathamandla zayo kokukuthi khathesi kayisasebenzeli amalunga ayo kuhle
Isikhulumeli se ARTUZ, umnumzana Thembakuye Moyo utshele iStudio 7 ukuth bona bakhuthaza ukuvuselelwa kwesisekelo se PSMAS langokukhethwa kutsha kweBoard ukuze ibuyele kusimo eyayiyiso khona kuqala. Phezu kwalokho ithi ifuna bonke abaqanjwa amagama ukuthi baphatheka ekuhuquluzweni kwemali yePSMAS kumele babotshwe bathonisiswe.
Your browser doesn’t support HTML5
Ingxoxo loMnu Thembakuye Moyo ngokubotshwa kukaNkosikazi Cecilia Alexander