BULAWAYO.........
Ababukisa impahla etshiyeneyo eZITF 2023 baqale ukuthenga lokuthengisa abakulungisayo eZimbabwe International Trade Fair Showgrounds NgoLwesihlanu.
Kunkulumo yakhe yokuvula okusemthethweni umbukiso weZITF 2023 uKing Mswati lll unxuse abeZimbabwe ezweni lakhe ukuthi bezoqhuba amabhizimusi ukuze kuqiniswe ubudlelwano kwezokuthengiselana emazweni awezwekazi leAfrica.
“Kuqakathekile ukuba amazwe ezwekazi leAfrica asebenzisane kuhle kwezamabhizimusi kubelula kuncwadi zokuhambisa ukuze amabhizimusi abelula akhule. Ngitshayela iZITF ihlombe lokuqhuba umbukiso walonyaka njalo usuvuliwe okusemthethweni lumbukiso amhlophe Zimbabwe.”
UKing Mswati lll lomongameli Mnangagwa lomsekeli wakhe uMnu Chiwenga bavakatshele amastands ehlukeneyo bafika lakustand yeMelika, eye Bhilithani leyomanyano wamazwe aphetsheya oweEuropean Union.
Embukisweni weMelika uKing Mswati lll loMnangagwa bamukelwe ngummeli walelo lizwe e Zimbabwe, uNkosazana Elaine French lapho abaxoxe okwemizuzo emibili ngezamabhizimusi eMelika lakuleli kuhlanganisa lokubukisa lonyaka eZITF 2023.
UNkosikazi Sithembiso Nyoni umphathintambo wamabhizimusi amancane azimeleyo ukhuluma kabanzi ngombukiso walonyaka kuhlanganisa lendlu yezombukiso uHall 5 eyebandla elibusayo ayikhokhelayo.
“Manengi amabhizimusi abukisayo kulo umbukiso njalo azimele. Ngale eZanu-PF Hall lakho sibukisa amabhizimusi asekelwangumongameli ngobunengi bawo ngezigaba ngezigaba.”
EleMelika lilabasakhulayo elibancedisa ngemisebenzi ehlukeneyo yezandla okugiqela uMnu Tichaona Moyo ubonga usizo alutholayo
“Ngilokujabula okukhulu yikuncediswa nguhulumende weMelika kubhizimusi lokuthunga izikhwama lamakey holders ngisebenzisa amabeads kungilethela inzuzo.”
Estandeni sombukiso wabeMelika bekulenhlangothi ezehlukeneyo zikahulumende ezigoqela olwe United States Agency for International Development- USAID lenhlanganiso ezehlukeneyo ezithola usizo ngaphansi kwayo i-USAID, abe U.S. President's Emergency Plan for AIDS Relief-PEPFAR, inhlelo zemfundo yaphezulu lamakolitshi amaUniversity ehlukeneyo, iAmerican Space ekoBulawayo, isigodlo sommeli weMelika e Zimbabwe, USA Centres for Disease Control and Prevention in Zimbabwe, Education USA labanye.
lsakhamuzi sakoBulawayo esingene kumbukiso walonyaka Martin Ncube ungcono umbukiso walonyaka.
“Umbukiso walonyaka muhle kakhulu sizelapha labanawami kuhle sibili siyajabula sesibone njalo safunda okunengi.” Umbukiso wamabhizimusi oweZITF walonyaka uqhutshwa phansi kwendikimba ethi "Transformative Innovation, Global Competitiveness".
Amazwe angamatshumi amabili lanye abukisa lonyaka lamankampani edlula kancane ngamakhulu amahlanu - 533 asenkundleni eyeZimbabwe International Trade Fair showgrounds.
Abaqondisa lumbukiso oweZITF bathi owalonyaka uthuthuke ngesilinganiso sokungamatshumi amathathu ekhulwini - 30% ngemva kokwehla ngenxa yobhubhane lweCOVID-19 nyakenye.
Your browser doesn’t support HTML5
Udaba lokuvulwa okusemthethweni kweZITF siluphiwa nguAnnahstacia Ndlovu