Umsekeli kaMongameli welizwe uMnu Constantino Chiwenga uthi abantu akumelanga baphaphatheke ngokukhithaka kwesisindo sedola leZimbabwe kanye lokukhwela kwentengo yezinto mahlayana ngoba lokhu akutsho ukuthi umhlaba usudilika.
UChiwenga wethule amazwe la emhlanganweni wezamabhizimusi oqhutshelwe eZITF izolo.
UChiwenga wethule amazwe la ngesikhathi inhlanganiso emela abathengi eyeNational Consumer Rights Association (NACORA) isithi ukukhuphuka kwentengo yezinto okuqale ngoMvulo sokutshiye uzulu weZimbabwe esidla luklubhu.
Emkambo wensitha idola leMelika elilodwa lithengwa ngamadola eZimbabwe aphakathi kwenkulungwane eyodwa elamakhulu ayisitshingalombili, 1,800 kusiya kunkulungwane ezimbili, 2,000.
Izinto ezikhwelileyo zigoqela isinkwa, sona esikhwele sisuka ku$1,200 Zimbabwe dollars saya ku$1,430.
Okunye okukhwelileyo kugoqela impuphu, amafutha okupheka lokunye okutshiyeneyo.
Sixoxe lesiphathamandla senhlanganiso elwela amalungelo oluntu eyeIbhetshu Likazulu uMnu Mbuso Fuzwayo.
Your browser doesn’t support HTML5
Ingxoxo loMnu. Mbuso Fuzwayo.
Lokhe sikudaba lunye, uzulu uthi impilo isisibalukhuni ngamandla ngoba intengo isikhuphuka mahlayana nsukuzonke.
Sixoxe lomzali, uMnu. Ndodana Sibanda owedolobho le Plumtree.
Your browser doesn’t support HTML5
Ingxoxo loMnu. Ndodana Sibanda.