Ikhomishini ebona ngokuqhutshwa kokhetho eyeZimbabwe Electoral Commission ithi inxusa abalelungelo lokuvota ukuthi bezobhalisa lapho i-ZEC ezakuba ibonisa khona embukisweni weZimbabwe International Trade Fair osungulwa kusasa koBulawayo.
I-ZEC ithi abantu balakho njalo ukuhlola ugwalo eliloluhlu lwababhalisela ukuvota olwe voters roll kanye lolokwabiwa kwezabelo olwe delimitation.
Kusenjalo, ibandla leZANU PF lithi seliqinisa imikhankaso yalo yokhetho olukhangelelwe ukuqhutshwa lonyaka phambilini kokuthi umholi walo umongameli Emmerson Mnangagwa asungule ugwalo lweManifesto kanye lohlelo lokukhankasa.
UMnu. Kudakwashe Munsaka, oncintisa kukhetho lokudinga ozamela iBinga North edale lephalamende ekubandla leZANU PF, utshele uSithandekile Mhlanga weStudio 7 ukuthi imota abaziholiswayo libandla lakhe ziyaphathisa kakhulu emikhankasweni.
Your browser doesn’t support HTML5
Ingxoxo loMnu. Kudakwashe Munsaka.
Siphinde saxoxa loMnu. Mhlonipheki Ncube, umgcinisihlalo webandla leCitizens Coalition for Change eMatabeleland North, yena osichasisela ngohlelo lwebandla lakhe kwesakhe isigaba.
Your browser doesn’t support HTML5
Ingxoxo loMnu. Mhlonipheki Ncube.