EleZimbabwe lamuhla linanza ilanga likazibuse eleIndependence day enkundleni yepfura stadium eMt Darwin, lapho umongameli Emmerson Mnangagwa akhangelelwe ukwethula umbiko wakhe omqoka ophathelane lalolusuku.
Umbiko wakhe uzafundwa njalo kuzo zonke izigaba zelizwe lapho abantu abayabe bethe gwaqa ngenjongo efanayo.
Njengenhlalayenza, kukhangelelwe ukuthi abantu bazathokoziswa yikufola kwebutho, abaculi, leminye imicimbi-cimbi ebalisa umdlalo wenguqu phakathi kweqembu le Highlanders lele Dynamos.
Imbono yabantu yehlukene ngalolusuku abanye besithi aluqakathekanga ngoba kulombuso woncindezelo selokhe ilizwe lathola uzibuse kwabamhlophe ngomnyaka ka1980 kodwa abanye besithi kunengi osokufezwe nguhulumende wabensundu.
Inengi selabaleka elizweni ukuyadinga amadlela aluhlaza ngoba ngemva kukazibuse impilo yaqala ukubanzima.
Ukucubungula loludaba uSithandekile Mhlanga weStudio7 uxoxa loMnu. Mqondobanzi Magonya, ingwethi ecubungula ezombusazwe.
Your browser doesn’t support HTML5
Ingxoxo loMnu. Mqondobanzi Magonya.