Ibandla leCitizens Coalition for Change lithi abalandeli bebandla bakhetha uMnu. Nelson Chamisa kuhlelo lokudinga inkokheli oluphakathi kokuqutshwa, okokuthi uChamisa kancintiswanga ezigabeni zonke zelizwe.
Inengi lasebekhethiwe ukuthi bencintise kukhetho oluzayo olokudinga amalunga edale le phalamende elesenate, lawekhansili, kanye lomkhokheli walelibandla sebeqalisile ukuletha incwadi zabo zama CV ukwenzela ukuthi zihlolisizwe kuqediswe isigaba se nomination process.
Obona ngenhlelo zokuqhutshwa kokhetho kulelibandla uNkosikazi Ellen Shiriyedenga utshele iStudio 7 ukuthi ibandla lakhe lizakwazisa umphakathi lamuhla emhlanganweni lentathelizindaba ngokuthi uhlelo lolu, lona olungakaphutshi kuzigaba zonke zelizwe, luqhubeka njani.
Ibandla leli liphakathi kohlelo lwalo olutsha lapho abazancintisa abakhethwa ngumphakathi hatshi ngohlelo olujwayelekileyo olwama primary elections.
UMnu. James Sithole ilunga ledale lephalamende, omela isigaba esesiqunywe kutsha ngohlelo lweDelimitation exercise eseBulawayo South, uchasisa okwenzakala kweyakhe indawo, kungxoxo ayiqhube loSithandekile Mhlanga weStudio 7.
Your browser doesn’t support HTML5
Ingxoxo loMnu. James Sithole.